Беларусы цяпер змогуць падключаць інтэрнэт адразу пасля прыезду ў Расію — аператары дамовіліся

МТС разам з роўмінгавымі партнёрамі пратэставала новы механізм. Пасля падключэння да сеткі расійскага аператара абаненту аўтаматычна будзе прыходзіць СМС са спецыяльнай спасылкай для праходжання верыфікацыі. Там трэба будзе ўвесці капчу, і блакіроўка імгненна здымецца.

Аналагічны механізм апісалі два іншых беларускіх мабільных аператара. А1 удакладняе, што верыфікацыя беларускіх абанентаў ужо з’явілася ў сетцы расійскага МегаФона, а ў МТС, Білайна і Т2 яна працуе ў тэставым рэжыме.

З 6 кастрычніка па патрабаванню рэгулятараў расійскія аператары ўвялі абавязковую 24-гадзінную блакіроўку паслуг перадачы дадзеных і СМС для ўсіх абанентаў у роўмінгу, якія рэгіструюцца ў іх сетках. Блакіроўка пачынаецца з моманту першай рэгістрацыі ў сетцы і аўтаматычна здымаецца праз 24 гадзіны. Да гэтага моманту даступныя толькі галасавыя званкі.