Беларусы выйшлі на Product Hunt з праграмай, якая стварае 3D-мадэлі па тэкставым апісанні

Паводле слоў распрацоўшчыкаў, праграма пераўтварае ў паўнавартасную 3D-мадэль любую тэкставую ідэю.

Карыстальніку неабходна ўвесці тэкставае апісанне сваёй ідэі, атрымаць 2D-малюнак, палепшыць яго, выбраўшы найбольш прыдатную карцінку, і адправіць на генерацыю. На працягу 10 секунд праграма створыць 3D-мадэль, якая будзе гатовая да загрузкі, экспарту, абмену і даследаванню.

У TextTo3D можна ствараць 3D-лагатыпы, знакі, мастацкія праекты, прататыпы або гульнявыя элементы. Праграма дазваляе дзяліцца 3D-мадэлямі або экспартаваць у папулярных фарматах, такіх як GLB/GLTF, STL або USDZ.

Праект TextTo3D — распрацоўка кампаніі з фаўндарамі-беларусамі MagiScan Inc. Галоўны праект кампаніі — MagiScan AI 3D scanner. Гэта праграма для стварэння 3D-мадэляў з рэальных аб’ектаў.

Праграма дазваляе сканаваць аб’екты ў рэальным часе і захоўваць вынікі ў некалькіх фарматах. Акрамя таго, MagiScan дазваляе экспартаваць сканаваныя 3D-мадэлі на платформу NVIDIA Omniverse і інтэграваць у Minecraft. Цяпер у праграмы больш за два мільёны карыстальнікаў.