Беларусы скардзяцца, што з Ozon занадта доўга ідуць пасылкі. Здаецца, маркетплэйс няўдала паэксперыментаваў

«Мерзкі Кокобай» піша, што з-за праблем на складах у Маскве і Санкт-Пецярбургу пасылкі ў Беларусь ідуць з вялікім спазненнем. Грузавікі стаяць у чаканні адгрузкі да 5 дзён, пакупнікі адмяняюць заказы, прадаўцы нясуць страты. Адгрузкі нібыта пачнуцца пасля 3 верасня, і пакупнікам раяць адкласці шопінг да гэтага часу.

Гэта звязваецца з калапсам у лагістыцы платформы. Паводле інфармацыі канала Baza, два месяцы таму Ozon вырашыў перайсці на ўласную кадравую сістэму Ozon Job, адмовіўшыся ад аўтсорсінгу. Новы персанал набраць не паспелі, а дамовы з аўтсорсам з 1 жніўня не падоўжылі, пішуць супрацоўнікі ва ўнутраных чатах кампаніі.

Праблемы заўважылі чытачы tochka.by. Паведамляюць, што ў апошні час дастаўкі іх заказаў часта пераносяцца, часам па некалькі разоў.

У Ozon у каментарыі РБК абверглі інфармацыю пра масавыя праблемы на складах, але прызналі цяжкасці.

«У нас каля 200 складоў, затрымкі ўзніклі толькі на пяці аб’ектах у Маскве і Санкт-Пецярбургу. Тым не менш своечасова кліентам у двух сталіцах мы дастаўляем сем з дзесяці заказаў і не бачым росту адмен заказаў», — заявілі ў прэс-службе Ozon.

Каб усё патушыць, маркетплэйс вывеў дадатковы персанал, а частку тавараў перавёз на іншыя склады. Прадаўцы цяпер могуць выбіраць свабодныя слоты для адгрузкі на суседніх складах або здаваць тавары адразу ў пункты выдачы заказаў.

Кампанія абяцае, што хутка сітуацыя стабілізуецца. Але калі, прадбачліва не ўдакладняе.

«Белпошта» расказала, калі запусціць «забойцу» Wildberries і Ozon (спойлер: зусім хутка)

Па тэме

«Белпошта» расказала, калі запусціць «забойцу» Wildberries і Ozon (спойлер: зусім хутка)

Расійскі OZON, які стаў рэзідэнтам ПВТ, пашырае офіс у Мінску

Па тэме

Расійскі OZON, які стаў рэзідэнтам ПВТ, пашырае офіс у Мінску

«Прывітанне ўсім! У нас новы дом». VK пашырыў офіс у Мінску

Па тэме

«Прывітанне ўсім! У нас новы дом». VK пашырыў офіс у Мінску