Вытворчасць электратранспарту — стратэгічна важны напрамак, які спрыяе ўмацаванню тэхналагічнага суверэнітэту Беларусі і паляпшэнню экалогіі. Пра гэта заявіла кансультант аддзела аўтамабільнага машынабудавання і аўтакампанентаў Мінпрама Майя Каждан.
Вытворчасць электратранспарту — стратэгічна важны напрамак, які спрыяе ўмацаванню тэхналагічнага суверэнітэту Беларусі і паляпшэнню экалогіі. Пра гэта заявіла кансультант аддзела аўтамабільнага машынабудавання і аўтакампанентаў Мінпрама Майя Каждан.
Каждан сцвярджае, што электробусы мэтазгодныя там, дзе няма іншых відаў электрычнага транспарту, і ў першую чаргу ў гарадах з горшай экалагічнай абстаноўкай. Электробусы ўжо замянілі аўтобусы з рухавікамі ўнутранага згарання ў Жодзіна, Наваполацку і Шклоўскім раёне, і даказалі сваю эфектыўнасць.
«Усе гарады, дзе ўжо ёсць тралейбусныя або трамвайныя маршруты, выкарыстоўваюць наяўную інфраструктуру для павелічэння колькасці тралейбусаў з дынамічнай зарадкай», — цытуе экспертку БелТА.
Распаўсюджванне электратранспарту стрымліваюць некалькі фактараў. Ён пакуль моцна саступае ў прабегу — да 300 км на адной зарадцы супраць 1,5 тысяч км на адным баку. Таксама электратранспарт даражэйшы, а яшчэ вялікая праблема ў тым, што пад яго трэба мадэрнізаваць сеткі, бо яны не вытрымліваюць цяперашняе энергаспажыванне.
«Узвядзенне зарадных станцый для электратранспарту тармозіцца неабходнасцю мадэрнізацыі старых (у асобных выпадках) і ўзвядзення новых падстанцый», — патлумачыла прадстаўніца Мінпрама.
Таксама поўная замена звычайных аўтобусаў электрычнымі рызыкоўная з-за «магчымай уразлівасці аб’ектаў сістэмы электразабеспячэння». Але Каждан упэўнена, што электратранспарт у краіне трэба развіваць, бо гэта павысіць экалагічнасць, камфорт, эканамічную эфектыўнасць пры выкарыстанні ў гарадской рысе, гарадах-спадарожніках, экалагічна чыстых запаведных зонах.
Акрамя таго, уладам прапануюць разгледзець варыянт не кропкавай пастаўкі электратранспарту ў рэгіёны, а пілотны праект па пераводзе цалкам на электратранспарт раёна або населенага пункта. Такія праекты павінны стымуляваць куплю электратранспарту, паступовы рост выкарыстання электраэнергіі ў перавозках, зніжэнне забруджвання паветра. А яшчэ яны дапамогуць адпрацаваць на практыцы кампетэнцыі па вытворчасці электратранспарту, зарадных станцый і інфраструктуры.
Рэлацыраваліся? Цяпер вы можаце каментаваць без верыфікацыі акаўнта.
Во-первых, нет в райцентрах таких бюджетов, там до сих пор местами 40-летние пазики ездят.
А во-вторых, в случай не-дай-бог возможного блекаута, это ж весь транспорт в городе встанет.
А бюджэт на Дажынкі на што? Як раз каб падняць інфраструктуру горада!
Дарэчы "Фактар горада" пра гэта распавядаў)
План будет реализован в три этапа: 1. Продажа имеющегося транспорта. 2. Поиск финансирования. 3. Закупка нового современного транспорта. Приносим извинения за возможные временные неудобства.