Партал blizko.by паведамляе, што ў сацсетках распаўсюдзіліся чуткі пра ўзлом базы дадзеных «Белдзяржстраху». У такім выпадку пад пагрозай маглі апынуцца персанальныя звесткі мільёнаў беларусаў.
Партал blizko.by паведамляе, што ў сацсетках распаўсюдзіліся чуткі пра ўзлом базы дадзеных «Белдзяржстраху». У такім выпадку пад пагрозай маглі апынуцца персанальныя звесткі мільёнаў беларусаў.
«Я купляў КАСКА ў БДС 01.11.2025 і як мінімум, магчыма, за гэты перыяд па сённяшні дзень усе вашы звесткі ды мае (пашпарт, месца/адрас рэгістрацыі па пашпарце, тэлефоны, імэйлы і г. д.) цяпер у агульным доступе», — расказаў адзін з карыстальнікаў Threads.
Гаворка ідзе пра ўцечку дадзеных у тэлеграм-боты, якія выкарыстоўваюцца для пошуку інфармацыі пра людзей. Выданне праверыла ў адным з такіх ботаў звесткі свайго журналіста, які звяртаўся ў «Белдзяржстрах» у жніўні, і сапраўды іх там знайшло: пашпартныя дажхнныя, нумар тэлефона і дату звароту ў страхавую.
Ні сам «Белдзяржстрах», ні Нацыянальны цэнтр абароны персанальных звестак пакуль не паведамлялі пра ўзлом.
На сайце кампаніі гаворыцца пра правядзенне «тэхнічных прац», праз якія могуць быць недасяжныя асабістыя кабінеты і афармленне анлайн-заявак на дамовы меддапамогі. Пра аднаўленне працы сервісаў абяцаюць паведаміць дадаткова. Прычына і магчымыя тэрміны заканчэння тэхнічных прац не ўдакладняюцца.
У інфармацыйна-даведачным цэнтры «Белдзяржстраху» выданню Times.by заявілі, што паведамленні пра ўзлом — непацверджаная інфармацыя. Там дадалі, што не маюць ніякіх звестак пра ўцечку звестак кліентаў.
Дакладная колькасць кліентаў «Белдзяржстраху» невядома, аднак у ліпені кампанія паведамляла пра 6 млн дзеючых кантрактаў. Гэта значыць, што ад патэнцыйнай уцечкі могуць пацярпець мільёны беларусаў.
Релоцировались? Теперь вы можете комментировать без верификации аккаунта.