«Белтэлекам» запусціў канкурэнта Google Drive

Сярод перавагаў новай платформы «Белтэлекам» называе зручнае кіраванне тэчкамі, магчымасць хуткай загрузкі і выгрузкі файлаў, падтрымку да 10 прылад на адзін уліковы запіс. Дадзеныя захоўваюцца бяспечна на тэрыторыі Беларусі. Сэрвіс мае зразумелы вэб-інтэрфейс, а таксама фотаальбом Memories для зручнай арганізацыі і прагляду фотаздымкаў з аўтаматычнай сартаваннем, распазнаваннем дублікатаў і геаметкамі.

Паслугу можна падключыць праз мабільны дадатак «Мой Белтэлекам», у асабістым кабінеце карыстальніка або ў офісах продажаў кампаніі.

Фізічным асобам прапануецца падключыць тарыфны план «Воблачны дыск 25», які прадастаўляе дыскавую прастору аб’ёмам 25 Гб, да тарыфаў доступу ў інтэрнэт лінейкі «Рэкорд», а таксама да ўсіх пакетаў лінеек «ЯСНА» і «Сямейны». Юрыдычныя асобы могуць скарыстацца тарыфам «Воблачны дыск 100» са 100 Гб дыскавай прасторы. Ён даступны для карыстальнікаў інтэрнэт-пакетаў лінейкі «Бізнес-камплект» і пакетаў лінейкі «Бізнес-кейс».

Навінка падтрымліваецца на прыладах з Windows, Android, macOS і iOS.