БЧ запартнёрылася з «Лабараторыяй Касперскага», каб больш не ўзламвалі
«Беларуская чыгунка» і расійская «Лабараторыя Касперскага» падпісалі мемарандум аб супрацоўніцтве ў галіне інфармацыйнай бяспекі. Пра гэта паведамляецца на сайце БЧ.
Бакі маюць намер рэалізоўваць сумесныя праекты ў сферы інфармацыйна-камунікацыйных тэхналогій і кібербяспекі, а таксама наладзіць абмен ведамі і практычным досведам. БЧ таксама атрымала статус афіцыйнага аўтарызаванага партнёра «Лабараторыі» на тэрыторыі Беларусі.
Паводле слоў начальніка БЧ Валерыя Вярэніча, чыгунка ўжо 20 гадоў выкарыстоўвае рашэнні «Лабараторыі Касперскага» для абароны ўласных інфармацыйных сістэм. Ён выказаў намер і далей развіваць супрацоўніцтва.
БЧ стала аб’ектам буйной кібератакі ў студзені 2022 года, напярэдадні расійскага ўварвання ва Украіну. Хактывісты атакавалі яе серверы, парушыўшы працу сэрвісаў і спыніўшы анлайн-продаж квіткоў.
Читать на dev.by