Бясконцы серыял нейрасетак забанілі праз трансгендарныя жарты

У панядзелак на канале серыяла, створанага па матывах амерыканскага сіткама Seinfeld, з’явілася паведамленне пра тое, што ён «часова недаступны праз парушэнне Правілаў супольнасці або Умоў продажаў Twitch».

У абвестцы бан не канкрэтызуецца, але, як адзначае выданне, канал атрымаў яго пасля таго, як у нядзелю ў стрыме праскочылі трансфобныя і гамафобныя каментары.

Аўтары праекта адзначылі, што канал пакуль заблакаваны на 14 дзён. Яны падалі апеляцыю і абяцаюць расказаць гледачам, што вырашыць Twitch. Але незалежна ад зыходу плануюць аднавіць паказ і зрабіць так, каб падобнае не паўтарылася.

Серыял быў запушчаны ў снежні і мінулай пятніцы дасягнуў 15 тысяч аднамомантавых гледачоў.