Бесплатнікі будуць уключаны ў ПДР у Беларусі
У Беларусі рыхтуюць змены ў правілы дарожнага руху, якія датычаць аўтаномнага транспарту. Пра гэта на дзяржТБ паведаміў начальнік Галоўнага ўпраўлення ДАІ МУС Віктар Ротчанкоў.
У Беларусі рыхтуюць змены ў правілы дарожнага руху, якія датычаць аўтаномнага транспарту. Пра гэта на дзяржТБ паведаміў начальнік Галоўнага ўпраўлення ДАІ МУС Віктар Ротчанкоў.
«У план па змяненні заканадаўства ўжо ўнесеныя нормы, каб урэгуляваць пытанне руху беспілотнага транспарту ў Рэспубліцы Беларусь на працягу 2-3 гадоў. Мы ўжо пачынаем працаваць па змяненні заканадаўства, каб даць доступ — магчыма, пачаць з трамваяў, потым з аўтамабіляў, — каб імі кіравалі менавіта беспілотнікі», — адзначыў Ротчанкоў.
Паводле яго, гэта патрабуе змен адразу ў многіх заканадаўчых актах, аднак праца ўжо пачалася з мэтай праз 2-3 гады «выйсці на фінішную стадыю» і рэалізаваць задуманае.
Першы намеснік старшыні Дзяржкамітэта па стандартызацыі Аляксандр Бурак адзначыў, што беспілотны транспарт уваходзіць у лік прыярытэтных высокатэхналагічных кірункаў, закладзеных у праграму сацыяльна-эканамічнага развіцця краіны — побач з ШІ і біятэхналогіямі. Паводле яго, улады ўжо прыступілі да распрацоўкі дзяржстандартаў у гэтых напрамках.
Ён дадаў, што стандарты па беспілотным транспарце пачнуць прымацца ў 2027–2028 гадах, а да 2030 года беспілотная тэхніка трапіць у беларускія ПДР.
БЕЛАЗ тэстуе самазвалы-беспілотнікі
БЕЛАЗ тэстуе самазвалы-беспілотнікі
У Беларусі запрацавалі беспілотныя электрагрузавікі з ІІ
У Беларусі запрацавалі беспілотныя электрагрузавікі з ІІ
Рэлацыраваліся? Цяпер вы можаце каментаваць без верыфікацыі акаўнта.
Начинать надо не с трамваев а трактора, который показывали Президенту. Они уже молотят на дорогах, а трамвай пока ещё беспилотный не изобрели.