БДУІР умацоўвае сувязі з Таджыкістанам

Супрацоўніцтва паміж ВНУ пачалося ў лістападзе 2024 года, калі падчас візіту рэктара БДУІР Вадзіма Богута ў Таджыкістан быў падпісаны Дагавор аб рэалізацыі сумеснай адукацыйнай падрыхтоўкі спецыялістаў з вышэйшай адукацыяй у сферы інфармацыйна-камунікацыйных тэхналогій. Тады ж адбыліся перамовы з рэктарам ТНУ Эмамалі Насрыддзінзода наконт арганізацыі сумеснай падрыхтоўкі спецыялістаў па ІТ- і эканамічных спецыяльнасцях. Было вырашана рыхтаваць спецыялістаў па мадэлі «2+2» у дзённай форме з выкарыстаннем дыстанцыйных тэхналогій.

Цяпер кіраўніцтва БДУІР правяло сустрэчу з першым прарэктарам і дэканам сумеснага факультэта ТНУ з беларускімі ВНУ. Прадстаўнікі ТНУ заявілі пра гатоўнасць абмяркоўваць пытанні рэалізацыі згаданага дагавора, а таксама пытанні ў адукацыйнай і навуковай сферах. Таксама разглядалася падпісанне сумесных вучэбна-метадычных планаў.

Дарэчы, у гэтым месяцы ніжняя палата парламента Таджыкістана аднагалосна ўхваліла папраўкі ў Крымінальны кодэкс, якія забараняюць пераслед за лайкі ў сацсетках. Зараз пакаранне за лайкі відэаролікаў, рэпартажаў і пакіданне «каментарыяў і меркаванняў, што ўтрымліваюць тэрарыстычны і экстрэмісцкі кантэнт», у краіне адбываюць 1507 чалавек.