БДУІР завяршыў набор платнікаў. Сярэдні бал усяго на 13 меншы, чым на бюджэт

Сёлета на дзённую платную форму навучання было пададзена 994 заявы. Рашэннем прыёмнай камісіі да залічэння на першы курс рэкамендавана больш за 900 абітурыентаў.

Самыя высокія прахадныя балы на платную форму — на спецыяльнасцях «Праграмная інжынерыя» (359 балаў) і «Інфарматыка і тэхналогіі праграмавання» (350 балаў) факультэта камп’ютарных сістэм і сетак. І на спецыяльнасць «Праграмная інжынерыя» на факультэце камп’ютарнага праектавання (343 балы).

На завочную скарочаную форму атрымання адукацыі на ўмовах аплаты сёлета да залічэння рэкамендавана больш за 500 выпускнікоў каледжаў.

На дыстанцыйную і завочную платную формы навучання залічаныя ўсе абітурыенты, якія падалі заяву.

Гэтым летам прыём дакументаў на ўсе формы навучання ўжо скончаны. Усяго ў 2024 годзе ў БДУІР падалі заявы каля 3300 чалавек. Сярод іх два абітурыенты, якія набралі 400 балаў.

Сярэдні бал залічаных абітурыентаў па дзённай форме атрымання адукацыі склаў: за кошт сродкаў бюджэту — 344 балаў, на ўмовах аплаты — 331 бал. З балам 300 і вышэйшым дакументы падалі 1793 чалавекі. Палова тых, хто падаў дакументы — маладзёны з рэгіёнаў.