Binance.US скарачае траціну штату, гендырэктар таксама сыходзіць

Шродэра часова заменіць дырэктар Binance.US па юрыдычных пытаннях Норман Рыд. Прычына адстаўкі Шродэра не ўдакладняецца. Звальненні маюць умацаваць фінансавае становішча кампаніі.

Binance.US была запушчаная ў 2019 для амерыканскіх юзераў, якім было забаронена карыстацца паслугамі Binance.

У чэрвені Камісія па каштоўных паперах і біржах ЗША падала ў суд на Binance, яе заснавальніка Чанпэна Чжаа і Binance.US. Іх абвінавацілі ў тым, што апошняя была створаная для падману інвестараў і рэгулятараў, а таксама для абыходу законаў аб каштоўных паперах. Пасля гэтага платформа прыпыніла прыём дэпазітаў у доларах ЗША і вывад сродкаў у гэтай валюце. Праз некаторы час ёй удалося вырашыць праблему з банкаўскімі партнёрамі.

Раней у сакавіку Камісія па гандлі таварнымі ф’ючарсамі ЗША абвінаваціла Binance і Чжаа ў наўмысным ухіленні ад федэральнага закона. Таксама праверку ў дачыненні да Binance — пакуль без выстаўлення абвінавачванняў — праводзіць амерыканскі Мінюст.

Паводле даных экспертаў, доля Binance.US на сусветным рынку знізілася з 2,39% у красавіку да прыкладна 0,6%.

Сама Binance таксама за апошнія месяцы страціла двух топ — менеджараў: у верасні кампанію пакінуў дырэктар па прадукту, а да гэтага ў ліпені-дырэктар па стратэгіі. У ліпені Wall Street Journal паведамляў, што Binance звольніла больш за тысячу супрацоўнікаў у розных краінах свету. Крыніцы выдання сцвярджалі, што на гэтым скарачэнні не скончыліся і кампанія можа страціць да траціны свайго персаналу, які тады складаў каля 8 тысяч чалавек.