Журналіст Bloomberg Марк Гурман паведаміў, што кампанія імкнецца стварыць акуляры дапоўненай рэальнасці, якія можна насіць на працягу ўсяго дня. Яны маюць замяніць карыстальніку смартфон і ноўтбук.
Журналіст Bloomberg Марк Гурман паведаміў, што кампанія імкнецца стварыць акуляры дапоўненай рэальнасці, якія можна насіць на працягу ўсяго дня. Яны маюць замяніць карыстальніку смартфон і ноўтбук.
Асноўная праблема тэхналогіі — гэта высокая цана дэбютнай версіі прылады, якая можа дасягнуць $3 тысяч. Таксама ў дэвайса сціплы час працы без падзарадкі — усяго каля дзвюх гадзін — і адсутнасць вялікай колькасці сумяшчальных праграм. Усё гэта робіць складанай хуткую экспансію прадукту на рынку.
Паводле даных Гурмана, Apple плануе ў першы год пасля рэлізу прадаць каля 1 мільёна прылад. Напрыклад, першаму пакаленню iPhone для гэтага спатрэбілася некалькі месяцаў, а iPad дасягнуў гэтай адзнакі за 28 дзён. За другі год пасля рэлізу iPhone атрымалася прадаць больш за 10 мільёнаў прылад, iPad спатрэбілася восем месяцаў, каб пераадолець планку ў 15 мільёнаў штук. Apple Watch у першы год дасягнулі адзнакі ў 10 мільёнаў прададзеных прылад.
Журналіст адзначае, што ў AR-гаджата замала пераканаўчых пераваг перад існымі катэгорыямі прылад на рынку. Магчымасць гутарыць у віртуальным асяроддзі па відэасувязі — занадта слабы стымул для карыстальнікаў, каб забяспечыць такія ж тэмпы продажаў, як у іншых гаджатаў кампаніі. Да таго ж многія гарнітуры ад канкурэнтаў Apple альбо праваліліся ў продажах, альбо маюць абмежаваны функцыянал і пасля некалькіх месяцаў выкарыстання надакучаюць пакупнікам.
Рэлацыраваліся? Цяпер вы можаце каментаваць без верыфікацыі акаўнта.