Bloomberg: Apple пакажа новы MacBook Air на WWDC

Паводле даных журналіста Bloomberg Марка Гурмана, Apple таксама анансуе iOS 17, macOS 14, watchOS 10, tvOS 17 і гарнітуру змяшанай рэальнасці. У watchOS 10 плануецца вярнуць віджаты і зрабіць іх ключавой часткай інтэрфейсу.

Інфармацыя пра распрацоўку 15-цалёвага MacBook Air з’явілася ў 2021 годзе. Чакаецца, што ноўтбук будзе абсталяваны працэсарам Apple M2 і даступны ў розных канфігурацыях. Раней на мінулым WWDC кампанія паказала 13-цалёвы MacBook Air з чыпам M2.