Николай Чикишев 12 чэрвеня 2023, 14:34

Bloomberg: Apple выпусціць бюджэтную версію Vision Pro

Кампанія паказала гарнітуру дапоўненай рэальнасці Vision Pro ў рамках канферэнцыі распрацоўшчыкаў WWDC 2023.

Паводле звестак журналіста Bloomberg Марка Гурмана, Apple распрацоўвае бюджэтнейшую версію гарнітуры, якая каштуе $3499. Аднак пры стварэнні таннейшай версіі кампанія не мае намеру ісці на кампрамісы. У прыладзе застануцца вонкавы экран EyeSight, які дэманструе вочы карыстальніка, а таксама сістэма адсочвання позірку і руху рук.

Кампанія плануе выпусціць бюджэтную версію Vision Pro пры канцы 2025 года. Цяпер Apple працуе над другім пакаленнем Vision Pro з хутчэйшым працэсарам. Раней аналітыкі палічылі сабекошт гарнітуры, ён выйшаў крыху большым за $1500, гэта вынікае з падліку кошту кампанентаў і іх зборкі.