Чэрвеньская прэзентацыя WWDC была багатая на рэлізы новых прылад кампаніі: доўгачаканыя акуляры дапоўненай рэальнасці, новы ноўтбук, абноўленыя аперацыйныя сістэмы асноўных платформаў і мноства дробных абнаўленняў.
Чэрвеньская прэзентацыя WWDC была багатая на рэлізы новых прылад кампаніі: доўгачаканыя акуляры дапоўненай рэальнасці, новы ноўтбук, абноўленыя аперацыйныя сістэмы асноўных платформаў і мноства дробных абнаўленняў.
Галоўнай падзеяй мерапрыемства стала ўласная гарнітура дапоўненай рэальнасці Vision Pro. Карыстальнікі змогуць кіраваць прыладай пры дапамозе жэстаў, рухам вачэй і голасам, прылада не патрабуе кантролераў. Гарнітура падтрымлівае функцыю EyeSight, якая адлюстроўвае вочы карыстальніка на корпусе, калі чалавек размаўляе з кімсьці па-за віртуальнай прасторай. Прылада будзе паказваць карыстальніку людзей, што набліжаюцца ў рэальным свеце, калі яны падыходзяць да яго падчас працы гаджата. За бяспеку прылады адказвае тэхналогія Optic ID, якая вызначае ўладальніка прылады паводле сеткавіцы вока. Біяметрыя зашыфраваная і не пакідае прылады.
Гаджат дазваляе карыстацца шматлікімі праграмамі Apple, якія ёсць і ў iPhone, і ў Mac. У прыладзе можна адкрываць некалькі праграм, якія будуць размяшчацца адна з адной у віртуальнай аб’ёмнай прасторы. Напрыклад, карыстальнік можа далучыцца да відэазванка па FaceTime і правесці ў ім прэзентацыю. У акулярах можна праглядаць фатаграфіі, у тым ліку панарамныя, фільмы, у тым ліку ў 3D-фармаце. Vision Pro падтрымлівае гульні з Apple Arcade, на прыладзе будзе даступна больш за 100 гульняў. Таксама Vision Pro стварае дэталізаваны лічбавы аватар карыстальніка, які можна выкарыстоўваць у праграмах.
Акуляры выкананыя з лёгкіх і надзейных матэрыялаў, корпус можна рэгуляваць і падладжваць пад форму галавы і твару. Гаджат мае кольца Digital Crown, з дапамогай якога можна рэгуляваць размяшчэнне вокнаў, у тым ліку паводле глыбіні ў прасторы. Прылада сілкуецца ад падключэння да сеткі або ад вонкавага акумулятара. Час аўтаномнай працы Vision Pro ад акумулятара — дзве гадзіны. Батарэю можна падключыць з дапамогай кароткага кабеля MagSafe.
Vision Pro абсталяваны microLED-дысплеямі з разрознасцю большай за 4K. Прылада мае набор датчыкаў, уключна з LiDAR, а таксама 12 камер. У гаджаце ёсць працэсар M2 і спецыялізаваны чып R1, які апрацоўвае даныя з датчыкаў і камер. У Vision Pro ёсць паўнавартасны 3D-інтэрфейс. Падчас выкарыстання гарнітуры інтэрфейс адчуваецца як рэальны — акуляры падтрымліваюць трохмерныя аб’екты ўнутры віртуальнай прасторы. Напрыклад, уладальнікі Vision Pro змогуць перанесці экран свайго MacBook у віртуальную прастору, каб працягнуць працу ўжо там. Vision Pro падтрымлівае прылады ўводу і аксесуары.
Акуляры каштуюць ад $3499. Прылада паступіць у продаж на пачатку 2024 года. Да старту продажаў Apple адкрые ў сваіх фірмовых крамах дэманстрацыйныя зоны, у якіх карыстальнікі змогуць апрабаваць акуляры.
Іншая навінка прэзентацыі — 15-цалёвы MacBook Air. Ноўтбук выпушчаны з працэсарам M2, максімальны аб’ём аператыўнай памяці — 24 ГБ, убудаванага сховішча — 2 ТБ. Паводле слоў распрацоўшчыкаў, навінка «ў два разы хутчэйшая»за самы прадаваны 15-цалёвы ноўтбук на базе Windows. Таўшчыня прылады ўсяго 11,5 мм, час аўтаномнай працы — да 18 гадзін. Кошт ноўтбука пачынаецца ад $1299, продаж у ЗША пачнецца ў сярэдзіне чэрвеня.
Як меркавалі інсайдары, Apple паказала новы чып М2 Ultra. Ён на 20% магутнейшы за M1 Ultra. Кампанія заявіла, што М2 Ultra — «наймагутнейшы чып, будзь-калі створаны для камп’ютара». Ён мае 24 ядры і можа ўтрымліваць да 76 відэаядраў. Таксама чып уключае 134 мільярды транзістараў. На базе працэсара працуюць дзве навінкі прэзентацыі — Mac Studio і Mac Pro. Цана Mac Studio пачынаецца ад $1999, цана Mac Pro — ад $6999. Кампанія пачне продаж наступнага тыдня, аформіць перадзаказ можна будзе 5 чэрвеня.
Таксама кампанія паказала новую аперацыйную сістэму iOS 17. У ёй некалькі абнаўленняў. Напрыклад, у праграме «Тэлефон» з’явілася магчымасць наладжваць экран тэлефанавання. З’явілася функцыя Live Voicemail, якая ў рэжыме рэальнага часу пераводзіць аўдыя падчас выкліку ў тэкст. У iMessage з’явіліся фільтры пошуку і некалькі іншых функцый, у тым ліку расшыфроўка аўдыяпаведамленняў. Таксама карыстальнікі змогуць адпраўляць іншым людзям аўтаматычныя апавяшчэнні, што яны паспяхова дабраліся да месца прызначэння. Замест смайлікаў у праграме цяпер стыкеры, падтрымка стыкераў з’явілася ва ўсёй сістэме, у тым ліку ў чужых праграмах.
AirDrop атрымала падтрымку функцыі NameDrop: цяпер карыстальнік можа дзяліцца нумарам тэлефона, проста паднёсшы адную прыладу да іншай. Гэтая опцыя працуе як на iPhone, так і на Apple Watch. Палепшылася аўтакарэкцыя ў стандартнай клавіятуры на iPhone, таксама палепшылася дыктоўка. Пры канцы гэтага года ў iOS 17 з’явіцца новая праграма Journal: карыстальнік зможа весці дзённік, выкарыстоўваючы ўсе функцыі смартфона. Праграма дазволіць захаваць уражанні ад паездак або правесці мазгавы штурм.
Сярод нязначных змен — рэжым StandBy, у ім прылада працуе ў рэжыме чакання ў гарызантальным становішчы. Apple адмовілася ад стандартнай фразы «Вітаю, Siri», цяпер галасавога памочніка можна выклікаць, проста назваўшы імя.
Таксама Apple паказала iPadOS 17 і macOS Sanoma. Упершыню ў iPadOS 17 з’явіцца праграма «Здароўе», усе даныя будуць сінхранізавацца з іншымі прыладамі Apple. Экран блакавання прылады можна будзе наладжваць гэтак жа гнутка, як у iOS 17. Распрацоўшчыкі дадалі пашыраную падтрымку рэдагавання PDF-файлаў. У праграме «Нататкі» з’явіцца паўнавартасная падтрымка PDF-файлаў. Сярод іншых навін — палепшаная аўтакарэкціроўка c iOS 17.
У macOS 14 віджаты можна размяшчаць проста на працоўным стале без абмежаванняў. Mac пад кіраваннем macOS 14 будзе падтрымліваць віджаты з іншых прылад. Таксама Apple значна палепшыла відэаканферэнцыі з дапамогай машыннага навучання. Цяпер карыстальнікі змогуць «выразаць» сябе з роліка і размясціць паўзверх любога іншага кантэнту. У macOS 14 з’явіліся профілі ў Safari, яны дазваляюць ствараць асобныя наборы ўкладак, якія пасуюць пад асобныя задачы. Таксама сталі даступныя вэб-праграмы, якія можна дадаць у док macOS.
Рэжым адаптаванага гуку для AirPods. Навушнікі будуць аўтаматычна рэгуляваць шумапрыглушэнне і рэжым «празрыстасці» ў залежнасці ад асяроддзя. Адаптыўны рэжым будзе выкарыстоўваць нейрасеткі, каб функцыя навучалася звычкам карыстальніка.
Навінкі tvOS. У Apple TV з’явіцца пункт кіравання і падтрымка функцыі FaceTime. Уладальнікі iPhone могуць пачаць размову на прыладзе і потым працягнуць на Apple TV, выкарыстоўваючы асноўную камеру смартфона для здымкі.
Віджаты ў watchOS 10. З’явілася магчымасць атрымліваць хуткі доступ да віджатаў з дапамогай кольца Digital Crown. Кампанія перапрацавала многія стандартныя праграмы, дадала некалькі цыферблатаў і праграму для роварных трэніровак. На карце будуць адлюстроўвацца дадатковыя іконкі, адная з іх будзе паказваць, у якім месцы апошні раз быў прыём GSM-сігналу.
Кадзіма на прэзентацыі. Нечакана на прэзентацыі з’явіўся Хідэа Кадзіма, які паказаў гульню Death Stranding Director’s Cut. Яна выйдзе на Mac. Магчымасць перадзаказаць гульню ў Mac App Store з’явіцца 5 чэрвеня. Кадзіма дадаў, што ягоныя наступныя гульні таксама будуць выходзіць на Mac.
Рэлацыраваліся? Цяпер вы можаце каментаваць без верыфікацыі акаўнта.
Надеюсь моя платная подписька на Pornhub будет работать на очках во всю пролетарскую мощь
sAnoma... лицорЮка