Bloomberg распавёў пра ШІ-стартап па прадказанні надвор'я, які запусцілі беларусы
Розныя мадэлі могуць даваць зусім розныя прагнозы надвор’я, і людзям і бізнесу бывае складана зразумець, каму давяраць. Гэтай праблемай займаецца польскі стартап з беларускімі каранямі Rainbow Weather. Яго бенчмарк дазваляе параўноўваць кароткатэрміновыя прагнозы дажджу ад розных сіноптыкаў і ранжыруе іх па тым, наколькі добра яны ацэньваюць верагоднасць ападкаў па ўсім свеце — на некалькі хвілін ці гадзін наперад.
Розныя мадэлі могуць даваць зусім розныя прагнозы надвор’я, і людзям і бізнесу бывае складана зразумець, каму давяраць. Гэтай праблемай займаецца польскі стартап з беларускімі каранямі Rainbow Weather. Яго бенчмарк дазваляе параўноўваць кароткатэрміновыя прагнозы дажджу ад розных сіноптыкаў і ранжыруе іх па тым, наколькі добра яны ацэньваюць верагоднасць ападкаў па ўсім свеце — на некалькі хвілін ці гадзін наперад.
Як піша Bloomberg, з распаўсюджваннем ШІ-мадэляў і аплікацый па прадказанні надвор’я усё больш важна разумець, якія сэрвісы сапраўды надзейныя. Інструмент Weather Index, які стварыў стартап, супастаўляе назіранні метэастанцый з прагнозамі такіх кампаній, як Vaisala, AccuWeather і Weather Company, і ацэньвае іх дакладнасць і паўнату — гэта значыць колькі дажджлівых дзён было прадказана правільна.
Акрамя таго, стартап развівае ўласныя мадэлі, якія будуюць высокадакладныя кароткатэрміновыя прагнозы на базе дадзеных спадарожнікаў і метэарадараў у анлайн-рэжыме. Ападкі прадказваюцца пахвілінна з дэталізацыяй да 1 квадратнага кіламетра і гарызонтам да 4 гадзін.
Якасныя прагнозы важныя для ўрадаў, выратавальных службаў, кампаній і звычайных карыстальнікаў. Гэта дазваляе загадзя рыхтавацца, зніжаць рызыкі і эканоміць грошы. Такія інструменты асабліва актуальныя на фоне зменлівага клімату, які робіць надвор’е ўсё больш непрадказальным.
Релоцировались? Теперь вы можете комментировать без верификации аккаунта.