Касмічны стартап паспяхова запусціў сваю першую ракету New Glenn на арбіту, хоць і не змог пасадзіць першую ступень ракеты-носьбіта. Гэтая падзея з’яўляецца важнай вяхой для кампаніі, якая імкнецца канкураваць са SpaceX у галіне запускаў спадарожнікаў.
Касмічны стартап паспяхова запусціў сваю першую ракету New Glenn на арбіту, хоць і не змог пасадзіць першую ступень ракеты-носьбіта. Гэтая падзея з’яўляецца важнай вяхой для кампаніі, якая імкнецца канкураваць са SpaceX у галіне запускаў спадарожнікаў.
Ракета New Glenn стартавала з мыса Канаверал у Фларыдзе раніцай 16 студзеня пасля першай скасаванай спробы запуску ў панядзелак праз тэхнічныя праблемы. Запуск быў паспяховым, і другая ступень ракеты з карыснай нагрузкай выйшла на арбіту, дасягнуўшы галоўнай мэты місіі. Карыснай нагрузкай быў першы прататып апарата Blue Ring, які кампанія плануе прадаваць Пентагону і камерцыйным кліентам.
— Jeff Bezos (@JeffBezos) January 16, 2025
Аднак першая ступень ракеты-носьбіта, якая мелася прызямліцца на баржу ў Атлантычным акіяне, не змагла гэтага зрабіць і была страчаная. Тэлеметрыя з паскаральніка знікла праз некалькі хвілін пасля старту. Нягледзячы на няўдачу з пасадкай паскаральніка, мэтай сённяшняга беспілотнага запуску New Glenn было дасягненне арбіты.
Запуск стаў кульмінацыяй дзесяцігадовага працэсу распрацоўкі, у які былі ўкладзеныя мільярды долараў. Гэта першы выхад Blue Origin на арбіту Зямлі за 25 гадоў ад моманту заснавання кампаніі Джэфам Безасам. Бізнэсмен пры канцы 2023 года паскорыў распрацоўку New Glenn і яго рухавікоў BE-4, прызначыўшы Дэйва Лімпа, ветэрана Amazon, генеральным дырэктарам касмічнай кампаніі.
LIFTOFF! New Glenn is beginning its first ever ascent toward the stars.
— Blue Origin (@blueorigin) January 16, 2025
New Glenn, паводле слоў кампаніі, прыкладна ў два разы магутнейшы за Falcon 9 кампаніі SpaceX, і мае ў два разы большы дыяметр адсека для карыснай нагрузкі, што дазваляе размяшчаць большую колькасць спадарожнікаў. Ракета прызначаная для перавозкі грузаў у космас, у тым ліку спадарожнікаў для інтэрнэт-сеткі Amazon Kuiper, якая будзе канкураваць са Starlink ад SpaceX. Кошт запуску New Glenn не раскрываецца, а кошт запуску Falcon 9 пачынаецца прыблізна ад $62 млн.
Рэлацыраваліся? Цяпер вы можаце каментаваць без верыфікацыі акаўнта.