SpaceX дамовілася аб продажы інсайдарскіх акцый на суму $1,25 млрд пры ацэнцы $350 млрд, паведамляе Financial Times. Гэта робіць касмічную кампанію Ілана Маска самым дарагім прыватным стартапам у свеце. Раней гэтае званне належала кітайскай ByteDance.
SpaceX дамовілася аб продажы інсайдарскіх акцый на суму $1,25 млрд пры ацэнцы $350 млрд, паведамляе Financial Times. Гэта робіць касмічную кампанію Ілана Маска самым дарагім прыватным стартапам у свеце. Раней гэтае званне належала кітайскай ByteDance.
SpaceX і яе інвестары набудуць звычайныя акцыі ў супрацоўнікаў па $185 за штуку. Гэта на 65% даражэй, чым пры аналагічнай угодзе ў верасні — тады супрацоўнікі прадавалі каштоўныя паперы сваёй кампаніі па $112. SpaceX выдаткуе на куплю акцый прыкладна $500 млн, астатняе ўкладуць вонкавыя інвестары.
Яшчэ ў сярэдзіне лістапада SpaceX прапаноўвала выставіць акцыі за $125, у такім выпадку яе ацэнка склала б $250 млрд. Аднак у сувязі з ажыятажным попытам у інвестараў лічба ўзляцела на $100 млрд.
Раней паведамлялася, што Ілан Маск ахвяраваў больш за $250 млн на перадвыбарчую кампанію Дональда Трампа. Той ужо прызначыў Маска кіраваць новым дэпартаментам па ацэнцы эфектыўнасці ўрада. Таксама Маск дае яму рэкамендацыі з нагоды некаторых прызначэнняў у кабінет і наведвае яго званкі з сусветнымі лідарамі. Набліжанасць да новаабранага прэзідэнта ЗША паспрыяла росту багацця ўжо і так найбагацейшага чалавека на планеце, а таксама цікавасці да яго кампаній. Напрыклад, АІ-стартап xAI за апошні час двойчы прыцягнуў па $6 млрд у дадатак да такой жа сумы вясной.
Рэлацыраваліся? Цяпер вы можаце каментаваць без верыфікацыі акаўнта.