Аддзел навін 3 красавіка 2024, 15:01

Больш за 200 музыкаў заклікалі спыніць распрацоўку АІ, які падрывае чалавечую працу

Аўтары і выканаўцы музычных твораў звярнуліся да тэхналагічных кампаніям і лічбавых пляцовак з заклікам не распрацоўваць АІ-інструментаў для генерацыі музыкі, якія падрываюць каштоўнасць чалавечай працы.

2 каментарыя

Больш за 200 музыкаў заклікалі спыніць распрацоўку АІ, які падрывае чалавечую працу

Аўтары і выканаўцы музычных твораў звярнуліся да тэхналагічных кампаніям і лічбавых пляцовак з заклікам не распрацоўваць АІ-інструментаў для генерацыі музыкі, якія падрываюць каштоўнасць чалавечай працы.

Пад зваротам падпісалася больш за 200 чалавек. Сярод іх — Білі Айліш, Джон Бон Джові, Imagine Dragons і іншыя знакамітасці.

Падпісанты адзначылі, што пры безадказным выкарыстанні АІ сур’ёзна пагражае абароне іх прыватнасці, асобы, музыцы і заробку. Яны падкрэсліваюць, што тэхнагіганты без дазволу выкарыстоўваюць іх музыку для трэніроўкі мадэляў, і для мноства музыкаў, паэтаў і спевакоў, якія ледзь зводзяць канцы з канцамі, наступствы могуць быць катастрафічнымі.

Як адзначае TechCrunch, АІ-генератары музыкі, выяў і тэксту навучаюць на велічэзных датасэтах з існых работ, створаных жывымі людзьмі. Дамагчыся выдалення сваіх работ з датасэтаў для іх практычна нерэальна. Але шкоду дзеячам мастацтва патэнцыйна могуць нанесці нават кампаніі накшталт Adobe і Stability AI, якія распрацоўваюць АІ-генератары на аснове музыкі па ліцэнзіі або той, што знаходзіцца ў вольным доступе.

Маск Возняк ды іншыя заклікалі спыніць навучанне нейрасетак «разумнейшых» за GPT-4

Аўтары ліста запатрабавалі «спыніць замах на чалавечую творчасць». Яны хочуць абараніцца ад «драпежніцкага» выкарыстання АІ для крадзяжу галасоў і індывідуальнасцяў прафесійных музыкаў, а таксама прадухіліць парушэнне сваіх правоў і разбурэнне музычнай экасістэмы.

Акрамя гэтага, супраць АІ паўстала больш за 15 тысяч пісьменнікаў. У мінулым ліпені яны запусцілі аналагічны адкрыты ліст, у якім звярнуліся да кіраўнікоў OpenAI, Alphabet, Meta, Stability AI, IBM і Microsoft. Пісьменнікі адзначылі, што АІ імітуе іх стыль і мову пісання, крадзе сюжэты і ідэі. «Ежай» для яго становяцца мільёны абароненых капірайтам кніг, артыкулаў, твораў і вершаў, аўтары якіх не атрымліваюць ад гэтага ні капейкі.