Больш за траціну еўрапейскіх кампаній укараніла АІ

У 2021 годзе Еўракамісія паказала праграму «Лічбавага дзесяцігоддзя 2030», арыентаваную на лічбавую трансфармацыю рэгіёна. Планавалася, што да гэтага года 80% насельніцтва будзе валодаць базавымі лічбавымі навыкамі, пакрыццё 5G будзе паўсюдным, а 75% кампаній будуць карыстацца воблачнымі паслугамі.

Аднак у 2022 годзе АІ карысталася толькі чвэрць еўрапейскіх кампаній. У аналагічным леташнім дакладзе гаварылася, што ЕС рызыкуе адстаць ад тэрмінаў рэалізацыі ініцыятывы на дзесяць гадоў, калі ўлады не зоймуцца развіццём у людзей адпаведных навыкаў.

Аднак у AWS распавялі Reuters, што 2023 год стаў пераломным, а ўсеагульная даступнасць генератыўнага АІ падагравае цікавасць да эксперыментаў сярод звычайных і карпаратыўных карыстальнікаў. «Паскоранае распаўсюджванне АІ летась дапамагло Еўропе вярнуцца да тэмпаў, якія забяспечваюць дасягненне мэтаў „Лічбавага дзесяцігоддзя“», — дадалі там.

У апытанні Strand Partners брала ўдзел больш за 16 тысяч грамадзян і 14 тысяч кампаній. Паводле ацэнкі аўтараў даклада, да 2030 года станоўчы эфект ад АІ для эканомікі ЕС складзе €3,4 трлн.