Вялікі рэсёрч-2023! Раскажыце, як працавалі і жылі сёлета. Ананімна
2023 неўзабаве ўсё — і мы маем тасачку для вас! Вось анкета нашага штогадовага рэсёрчу індустрыі.
Спадзяемся, яна будзе цікавая і штатным супрацоўнікам, і фрылансерам, і інтэрнам, і фаўндарам, і тым, хто застаўся, і тым, хто з’ехаў, і айцішнікам, і «ўвайсцішнікам», і тэхнарам, і «гуманітарыям».
Тут 100 пытанняў, але нікому не прыйдзецца ісці праз увесь трэк: логіка вашых адказаў павядзе вас больш (ці значна больш) кароткімі маршрутамі.
Тым не менш, ацаніце свае сілы: у залежнасці ад ланцужка пытанняў-адказаў на анкету сыдзе 15-30 хвілін. Над некаторымі пытаннямі прыйдзецца паразважаць. Вы можаце запаўняць яе парцыённа і вяртацца да адкрытай укладкі. Але лепш вылучыць час і занурыцца.
Пра што мы даведаемся?
- Хто такі ІТ-беларус і хто такая ІТ-беларуска ў 2023-м — партрэт worldwide.
- Тэхналагічны стэк.
- Заробкі брута і нета, задаволенасць грашыма і праектамі.
- Бытавыя ўмовы, інтарэсы, зберажэнні і інвестыцыі.
Фінансавыя (і наогул адчувальныя) пытанні можна прапускаць, проста цісніце «акей». Але калі вам цікавыя абагульненыя вынікі на вялікай аўдыторыі, то важна ўнесці свой унёсак.
Калі ў часе запаўнення ў вас узнікаюць пытанні або заўвагі, можна падзяліцца імі ў «адкрытым» апошнім пункце — мы ўнясем аператыўныя праўкі.
Гэта цалкам ананімна: тайпформ не збірае ніякіх вашых асабістых даных, а рэдакцыя іх не атрымлівае. Мы неўзабаве падзелімся вынікамі ў абагульненым выглядзе і з прыгожай інфаграфікай.
Нам трэба 5000+ анкет, ваш удзел вельмі важны. Пачнем?
Дзякуем нашым данатарам! Гэты рэсёрч мы робім з вашай падтрымкай.
І яшчэ крыптой, тут гаманцы.
Читать на dev.by