Да канца дзесяцігоддзя брытанская тэлекамунікацыйная кампанія BT Group плануе скараціць ад 40 тысяч да 55 тысяч працоўных месцаў для зніжэння выдаткаў, піша BBC. У асноўным скарачэнні пройдуць у Вялікабрытаніі.
Да канца дзесяцігоддзя брытанская тэлекамунікацыйная кампанія BT Group плануе скараціць ад 40 тысяч да 55 тысяч працоўных месцаў для зніжэння выдаткаў, піша BBC. У асноўным скарачэнні пройдуць у Вялікабрытаніі.
Прыкладна пятая частка звальненняў — 10 тысяч — прыпадзе на спецыялістаў па працы з кліентамі. Яны будуць замененыя штучным інтэлектам.
Цяпер агульная колькасць працаўнікоў BT складае 130 тысяч чалавек — з іх 80 тысяч штатныя і месцяцца ў Злучаным Каралеўстве і яшчэ 30 тысяч падрадчыкаў.
Гендырэктар кампаніі Філіп Янсэн адзначыў, што новыя тэхналогіі заўсёды даюць штуршок буйным зменам. Ён дадаў, што інструменты на базе генератыўнага АІ накшталт ChatGPT «надаюць упэўненасць у тым, што мы можам пайсці яшчэ далей».
Паводле слоў Янсэна, АІ дапаможа зрабіць працэс аказання паслуг хутчэйшым, лепшым і плаўнейшым, а кліентам зусім не абавязкова будзе падавацца, што яны гутараць з ботамі. Таксама ён сказаў, што «новыя тэхналогіі спрыяюць стварэнню новых працоўных месцаў», хоць сама BT — найбуйнейшы інтэрнэт-правайдар краіны — пры канцы дзесяцігоддзя будзе налічваць «нашмат менш супрацоўнікаў», ніж цяпер.
Цяпер BT займаецца пашырэннем оптавалакновых сетак на змену медным кабелям. Як толькі працы будуць завершаныя, ёй стануць не патрэбныя 15+ тысяч чалавек. Таксама ёй спатрэбіцца менш супрацоўнікаў для абслугоўвання новых сетак, у сувязі з чым працу страцяць яшчэ 10+ тысяч. Яшчэ 5 тысяч будуць звольненыя ў межах рэструктурызацыі.
Раней іншая тэлекамунікацыйная кампанія Vodafone абвясціла, што на працягу трох гадоў скароціць дзясятую частку штату — 11 тысяч чалавек.
Рэлацыраваліся? Цяпер вы можаце каментаваць без верыфікацыі акаўнта.