Прарывы ў галіне штучнага інтэлекту, велізарны попыт на масівы кліматычных даных і значнае ўдасканаленне спадарожнікаў падагрэлі цікавасць інвестараў да касмічных тэхналогій, піша Business Insider.
Прарывы ў галіне штучнага інтэлекту, велізарны попыт на масівы кліматычных даных і значнае ўдасканаленне спадарожнікаў падагрэлі цікавасць інвестараў да касмічных тэхналогій, піша Business Insider.
«Такога хайпу яшчэ не было — ніколі», — кажуць партнёры DeepTech-кампаніі OTB Ventures.
Паводле даных PitchBook, летась сусветны аб’ём венчурных інвестыцый у кампаніі, якія займаюцца касмічнымі тэхналогіямі, складаў $5,3 млрд, а сёлета дасягнуў $6,9 млрд. Уласна рынак такіх тэхналогій, згодна з McKinsey, за апошняе дзесяцігоддзе вырас амаль на 60% да $447 млрд.
Таксама сёлета ў гэтай сферы актыўна ўкладаліся ўгоды па зліцці і паглынанні. Іх аб’ём у 2022 годзе складаў $10 млрд, а ў гэтым павялічыўся больш як удвая. Спецыялізаваны венчурны фонд Seraphim таксама адзначае рэкордную актыўнасць па такіх угодах у сферы касмічных тэхналогій у 2023 годзе.
Паводле слоў інвестараў, гэтай тэндэнцыі дапамагла здольнасць АІ апрацоўваць велічэзную колькасць даных са спадарожнікаў і хутка прымяняць іх на практыцы. Акрамя таго, унёсак у цікавасць да галіны ўнесла імкненне людзей клапаціцца аб прыродзе, паколькі спадарожнікі дазваляюць адсочваць выкіды парніковых газаў, высечку лясоў і раставанне ледавікоў.
У Seraphim падкрэсліваюць, што ўсплёск у сферы АІ ўжо адкрыў вялікія рынкавыя магчымасці перад галіной касмічных тэхналогій, і мяркуюць, што найбліжэйшымі гадамі ўплыў АІ на іх толькі ўзмоцніцца. Спецыялісты фонду 7percent Ventures таксама лічаць, што АІ грае важную ролю ў распрацоўцы кліматычных і касмічных тэхналогій будучыні, а таксама што АІ «істотна палепшыў эфектыўнасць мадэляў, лагістыку, эканомію паліва і, як вынік, стан навакольнага асяроддзя».
Рэлацыраваліся? Цяпер вы можаце каментаваць без верыфікацыі акаўнта.