Zoom больш не ўваходзіць у індэкс Nasdaq 100, які ўключае сто найбуйнейшых кампаній нефінансавага сектара на біржы. У 2023 годзе акцыі Zoom выраслі ўсяго на 5,7%, адстаючы ва ўсіх важных індэксах, а аналітыкі зніжаюць прагнозы росту кампаніі, піша Bloomberg.
Zoom больш не ўваходзіць у індэкс Nasdaq 100, які ўключае сто найбуйнейшых кампаній нефінансавага сектара на біржы. У 2023 годзе акцыі Zoom выраслі ўсяго на 5,7%, адстаючы ва ўсіх важных індэксах, а аналітыкі зніжаюць прагнозы росту кампаніі, піша Bloomberg.
У 2020 годзе, калі інвестары з энтузіязмам укладваліся ў кампаніі, якія меліся выйграць ад лакдаўнаў і аддаленай працы, распрацоўшчык праграмы для відэазванкоў узляцеў амаль на 400%. Усё змянілася, калі людзі сталі вяртацца ў офісы, а таксама праз усё мацнейшую канкурэнцыю з боку Microsoft Teams. Zoom спрабуе выправіць сітуацыю за кошт новых праграм для карпаратыўных кліентаў, напрыклад, сістэмы IP-тэлефаніі Zoom Phone (у яе 7 млн платных карыстальнікаў) і чата-аналага Slack.
Многіх іншых «зорак» пандэміі спасцігла тая ж доля. Вытворца спартыўнага абсталявання і софту Peloton і кампанія ў сферы тэлемедыцыны Teladoc Health абваліліся на 23% і 13% адпаведна. Продаж на фоне шматгадовага падзення разглядае распрацоўшчык рашэнняў для электроннага дакументазвароту DocuSign.
Унясенне ў Nasdaq 100 павышае прэстыж кампаніі ў вачах інвестараў і дае імпульс далейшаму росту акцый. Акрамя Zoom у індэксе, дзе пераважаюць тэхналагічныя кампаніі, змянілася яшчэ шэсць найменняў.
Зрэшты, не ва ўсіх кампаній, якія буялі ў перыяд каранавіруса, усё так дрэнна. Каціроўкі віжэастрымінгавых сэрвісаў Roku і Netflix падняліся на 136% і 60% адпаведна. Таксама ў Nasdaq 100 уключаная дастаўка DoorDash, акцыі якой падаражэлі на 108%.
Рэлацыраваліся? Цяпер вы можаце каментаваць без верыфікацыі акаўнта.