Аддзел навін 12 чэрвеня 2024, 13:34

Byte Dance скарачае сотні чалавек

ByteDance скарачае каля 450 супрацоўнікаў у падраздзяленні па электронным гандлі ў Інданезіі, паведамляе Bloomberg.

ByteDance аб’яднала краму TikTok з мясцовым канкурэнтам Tokopedia ў студзені. Сума ўгоды склала $1,5 млрд. Цяпер кітайская кампанія спрабуе знізіць выдаткі.

«Пад нож» пойдзе прыкладна 9% штату інданезійскага падраздзялення, якое пасля аб’яднання налічвае каля 5 тысяч чалавек. Звальненні пройдуць ужо ў гэтым месяцы. Яны закрануць аперацыйны і рэкламны аддзелы і часткова будуць звязаныя з ліквідацыяй пазіцый, што дублююцца.