CD Projekt RED анансавала рэмейк першага «Ведзьмара» — у гонар 15-годдзя гульні

Рэмейк ствараюць на базе рухавіка Unreal Engine 5, кодавая назва праекта — Canis Majoris. За распрацоўку адказвае польская студыя Fool’s Theory, у працы дапамагаюць многія ветэраны каманды «Ведзьмара», творчы кірунак праекту задае CD Projekt RED. У студыі заявілі, што хочуць стварыць гульню з максімальнай увагай да дэталяў і павагай да арыгінала.

Адзначаецца, што распрацоўшчыкі не будуць выкарыстоўваць асеты першай часткі, якая выйшла ў 2007 годзе, то-бок гульню створаць з нуля. Дату выхаду і платформы не называюць. Арыгінальная The Witcher выйшла 26 кастрычніка 2007 года на ПК, стаўшы першай гульнёй CD Projekt RED.