CEO Google DeepMind: з ШІ мы будзем «каланізаваць галактыку» ўжо праз пяць гадоў

Кіраўнік DeepMind лічыць, што ШІ забяспечыць велізарны прагрэс нават раней.

«Калі ўсё пойдзе добра, мы дасягнем эпохі радыкальнага багацця, свайго роду „залатога веку“. Агульны ШІ здольны вырашыць галоўныя праблемы чалавецтва — вылечыць страшныя захворванні, павялічыць працягласць жыцця, знайсці новыя крыніцы энергіі. Калі ўсё гэта адбудзецца, наступіць эпоха нябачанага росквіту, калі мы зможам падарожнічаць да зорак і каланізаваць галактыку. Я думаю, гэта пачне адбывацца ў 2030 годзе», — адзначыў Хасабіс.

Таксама ён лічыць, што з верагоднасцю 50% на працягу бліжэйшых 5-10 гадоў будзе створана «тое, што мы вызначаем як агульны ШІ». Нобелеўскі лаўрэат прызнаў, што вызначэнні ў ШІ-экспертаў разыходзяцца, але ў Google пад такім маюць на ўвазе «сістэму, якая валодае ўсімі кагнітыўнымі здольнасцямі, што і людзі».