Сумоўі эвалюцыянавалі ад афлайна да Zoom, а ў мінімум адным ШІ-стартапе — да Google Docs. У юртэху Harvey праверку кандыдатаў праводзяць проста ў расшараным дакуменце.
Сумоўі эвалюцыянавалі ад афлайна да Zoom, а ў мінімум адным ШІ-стартапе — да Google Docs. У юртэху Harvey праверку кандыдатаў праводзяць проста ў расшараным дакуменце.
Гендырэктар кампаніі Уінстан Вайнберг лічыць, што гэта лепшы спосаб зразумець, як чалавек працуе на самай справе. «Вельмі хуткія пісьмовыя прыклады, выкананне задання ў фармаце перапіскі — гэта вельмі, вельмі карысна», — растлумачыў ён у падкасце Access.
Па словах Вайнберга, на сумоўі прыходзяць людзі, якія «вельмі добра ўмеюць прэзентаваць», але «сыплюцца», калі трэба пісьмова адказаць на канкрэтныя пытанні. Сумесную працу над задачай у Google Docs ён лічыць «вельмі добрым індыкатарам таго, наколькі добра мы спрацуемся».
Інструменты на базе генератыўнага ШІ ад Harvey выкарыстоўваюць юрысты 8 з 10 самых прыбытковых юрыдычных фірмаў ЗША. Кампанія ацэньваецца ў $5 млрд, у ёй 350 чалавек, і многія прайшлі менавіта гэты фільтр праз Google Docs. Так у Harvey праводзілі сумоўі ўсіх нядаўна нанятых топ-менеджараў.
«Па маім досведзе, гэта лепшы спосаб аддзяліць добрых суразмоўцаў ад добрых практыкаў», — растлумачыў Вайнберг у каментарыі Business Insider. Па яго словах, гэта вялікая праблема найму на нетэхнічныя пазіцыі — людзі, якія добра і шмат размаўляюць, але дрэнна працуюць. Такія супрацоўнікі потым «будуць задаваць мільярд пытанняў па стратэгіі адзін на адзін», і працэс ператворыцца ў бясконцыя абмеркаванні.
Ён нават прапануе пачынаць інтэрв’ю асінхронна, таму што так у асноўным пабудавана праца ў Harvey. «З тымі падначаленымі, з якімі мне лягчэй за ўсё працаваць, усё адбываецца асінхронна. Інакш нам давядзецца ладзіць 17 стратэгічных сустрэч дзеля любога дзеяння», — сказаў Вайнберг.
Релоцировались? Теперь вы можете комментировать без верификации аккаунта.
Чотка!