Генеральны дырэктар шведскага фінтэха Klarna Себасцьян Семяткоўскі вялікі фанат вайб-кодынгу. У нядаўнім выпуску падкаста Sourcery ён распавёў, як ШІ-інструменты кшталту Cursor дапамагаюць яму хутчэй будаваць прататыпы прадуктаў і эканоміць час інжынерам і прадакт-менеджарам.
Генеральны дырэктар шведскага фінтэха Klarna Себасцьян Семяткоўскі вялікі фанат вайб-кодынгу. У нядаўнім выпуску падкаста Sourcery ён распавёў, як ШІ-інструменты кшталту Cursor дапамагаюць яму хутчэй будаваць прататыпы прадуктаў і эканоміць час інжынерам і прадакт-менеджарам.
«Я быў бізнесменам, а потым я пачаў знаёміцца з Cursor», — сказаў Семяткоўскі. У яго няма айцішнага бэкграўнду, і ён адзначыў, што па сутнасці вайбкодзіць усё сваё жыццё, раздаючы інструкцыі замест промптаў падначаленым-тэхнарам.
Але цяпер сутнасць і тэмпы распрацоўкі змяніліся. Да з’яўлення Cursor яму даводзілася тлумачыць інжынерам на мітынгах, што трэба зрабіць, і яны вярталіся з прататыпам праз некалькі тыдняў. «Розніца толькі ў тым, што цяпер я сядаю за кампутар і раблю тое ж самае з дапамогай ШІ, і праз 20 хвілін у мяне на руках гатовы прататып», — адзначыў прадпрымальнік.
Па яго словах, дзякуючы ШІ ён эканоміць шмат часу сваім супрацоўнікам. Напрыклад, сам тэстуе сырыя ідэі з дапамогай тэхналогіі, і прыходзіць да інжынераў і прадуктовікаў з чымсьці, што з большай верагоднасцю можна рэалізаваць.
Кампанія была заснавана ў 2005 годзе, а ў пачатку месяца выйшла на Нью-Ёркскую фондавую біржу. У першы дзень таргоў акцыі Klarna ўзляцелі на 30% — са стартавых $40 да $52.
Семяткоўскі не адзіны СЕО, які захапляецца інструментамі для праграмавання на базе ШІ. Нядаўна генеральны дырэктар Google Сундар Пічаі распавядаў, як навайбкодзіў вэб-старонку. Вайб-кодынг ужо ператварыўся з прыемнага бонуса ў рэзюмэ ў маст-хэв. Business Insider яшчэ ў чэрвені паведамляў, што Visa, Reddit, DoorDash і шматлікія стартапы наўпрост патрабуюць ад саіскальнікаў навыкі працы з ШІ-рэдактарамі кода накшталт Cursor і Bolt.
Рэлацыраваліся? Цяпер вы можаце каментаваць без верыфікацыі акаўнта.