CEO Microsoft патлумачыў, навошта кампанія прапанавала 60 000 супрацоўнікам сысці
Кіраўнік Microsoft Сат’я Надэла патлумачыў, чаму кампанія прапанавала амаль чвэрці штату добраахвотна звольніцца з кампенсацыяй. На ягоную думку, Microsoft перабудоўвае працу вакол ШІ, і не ўсе гатовы да такіх змяненняў.
Кіраўнік Microsoft Сат’я Надэла патлумачыў, чаму кампанія прапанавала амаль чвэрці штату добраахвотна звольніцца з кампенсацыяй. На ягоную думку, Microsoft перабудоўвае працу вакол ШІ, і не ўсе гатовы да такіх змяненняў.
Надэла распавёў пра змяненні на канферэнцыі DealBook Summit. Ён падкрэсліў, што гаворка ідзе не проста пра замену супрацоўнікаў нейрасеткамі. Кампанія хоча, каб людзі ўсё часцей кіравалі ШІ-агентамі, а не выконвалі задачы самастойна.
«Спачатку мы казалі: "Не верым, што ШІ калісь зможа пісаць праграмы". Потым раптам: "Вау, ён можа напісаць усё. Навошта нам тады праграмісты?" А цяпер зноў зразумелі, што распрацоўка ПЗ нікуды не знікла і, больш за тое, будзе квітнець», — заявіў Надэла.
Аднак, паводле яго, арганізацыя каманд і абавязкі распрацоўшчыкаў ужо мяняюцца. У якасці прыкладу ён прывёў каманду з 11 чалавек, якая стварае ШІ-агента Cowork для Microsoft 365. «Яны будуюць фабрыку праграмнага забеспячэння, якая стварае прадукт. Яны не ствараюць сам прадукт», — патлумачыў кіраўнік Microsoft.
Надэла лічыць, што ў будучыні супрацоўнікі самых розных прафесій будуць не столькі выконваць задачы самастойна, колькі кіраваць ШІ-агентамі. «Для некаторых людзей такая рэарганізацыя і перамены даюцца цяжка, праўда? Але іх неабходна правесці», — падкрэсліў ён.
Паводле Надэлы, праграма добраахвотнага сыходу павінна даць работнікам магчымасць самім вырашыць, ці гатовы яны да змяненняў. Пры гэтым ён прызнаў, што размовы пра будучыню ШІ моцна напалохалі супрацоўнікаў.
«Мы выклікалі ў людзей вялікую трывогу. Яны адчуваюць, што больш не кантралююць уласны лёс, — і ўсё праз тое, як мы казалі пра гэтую ШІ-рэвалюцыю», — заявіў ён у інтэрв’ю падкасту The Pragmatic Engineer.
Релоцировались? Теперь вы можете комментировать без верификации аккаунта.