CEO Nvidia: мы ўжо дасягнулі «агульнага ШІ», але стварыць Nvidia ён не зможа

Пра гэта Хуанг распавёў у падкасце Лекса Фрыдмана. AGI звычайна разумеюць як сістэму, параўнальную ці пераўзыходзячую чалавека па ўзроўню інтэлекту і здольную выконваць шырокі спектр задач — аж да кіравання кампаніямі. Адказваючы на пытанне, колькі часу спатрэбіцца для дасягнення такога рубяжа, Хуанг заявіў: «Я думаю, гэта ўжо адбылося. Я думаю, мы дасягнулі AGI».

У ходзе гутаркі Фрыдман удакладніў, ці можа падобны ШІ фактычна «рабіць вашу працу», напрыклад, ствараць і развіваць тэхналагічную кампанію коштам больш за $1 мільярд. Хуанг дапусціў такую магчымасць і прывёў у прыклад папулярнасць платформаў аўтаномных ШІ-агентаў OpenClaw, якія карыстальнікі ўжываюць для самых розных задач.

Паводле словаў кіраўніка Nvidia, масавае распаўсюджванне падобных інструментаў можа прывесці да з’яўлення нечаканых лічбавых прадуктаў, напрыклад, сацыяльных аплікацый ці віртуальных інфлюэнсераў, якія раптоўна стануць папулярнымі. Аднак пазней ён змякчыў першапачатковую заяву, адзначыўшы, што многія карыстальнікі хутка губляюць цікавасць да такіх агентаў. «Верагоднасць таго, што сто тысяч такіх агентаў змогуць пабудаваць Nvidia, роўная нулю», — сказаў ён.

Раней кіраўнік OpenAI Сэм Альтман таксама казаў, што індустрыя «па сутнасці ўжо стварыла AGI або вельмі блізкая да гэтага», але ўдакладняў, што гаворка ідзе хутчэй пра канцэптуальную ацэнку. У той жа час генеральны дырэктар Microsoft Сацья Надэла прытрымліваецца больш асцярожнай пазіцыі, заяўляючы, што індустрыя пакуль далёкая ад дасягнення такога ўзроўню тэхналогій.

Школьнік стварыў ШІ-стартап і адмовіўся ад $300 000 дзеля незалежнасці

Па тэме

Школьнік стварыў ШІ-стартап і адмовіўся ад $300 000 дзеля незалежнасці

«Прыбяры сябе як вузкае месца»: аўтар «вайб-кодынгу» заявіў пра новую ролю людзей у ШІ-распрацоўцы

Па тэме

«Прыбяры сябе як вузкае месца»: аўтар «вайб-кодынгу» заявіў пра новую ролю людзей у ШІ-распрацоўцы