Генеральны дырэктар Nvidia Джэнсэн Хуанг хоча, каб супрацоўнікі яго кампаніі выкарыстоўвалі ШІ ва ўсіх магчымых выпадках. І не баяліся страціць працу.
Генеральны дырэктар Nvidia Джэнсэн Хуанг хоча, каб супрацоўнікі яго кампаніі выкарыстоўвалі ШІ ва ўсіх магчымых выпадках. І не баяліся страціць працу.
Як паведамляе Business Insider, на агульным сходзе пасля фінансавай справаздачы на мінулым тыдні Хуангу задалі пытанне пра менеджараў, якія раяць падначаленым менш выкарыстоўваць тэхналогію.
«Я так разумею, у Nvidia ёсць менеджары, якія кажуць людзям менш выкарыстоўваць ШІ. Вы з глузду з’ехалі?» — абурыўся генеральны дырэктар. І даў зразумець супрацоўнікам, што яны могуць не баяцца за свае пасады: «Я хачу, каб кожная задача, якая толькі магчыма, была аўтаматызавана з дапамогай ШІ. Я вам гарантую, працы вам хопіць».
Nvidia не адзіная кампанія, якая актыўна ўкараняе ШІ. Microsoft і Meta будуць улічваць выкарыстанне ШІ пры ацэнцы супрацоўнікаў, у Google інжынеры таксама павінны кадзіць з ШІ.
Amazon па просьбе сваіх супрацоўнікаў збіралася ўкараніць Cursor, гэтага ж ШІ-кодара, па словах Хуанга, выкарыстоўваюць яго супрацоўнікі. А калі ў нейкіх задачах ён не працуе, то трэба «выкарыстоўваць, пакуль не запрацуе», настаўляў кіраўнік Nvidia.
Ён таксама заклікаў сваіх супрацоўнікаў не баяцца скарачэнняў — маўляў, пакуль іншыя кампаніі звальняюць, Nvidia за мінулы квартал наняла «некалькі тысяч» чалавек. Пажартаваў, што з’явіліся праблемы з паркоўкай, і дадаў, што кампанія працягвае пашырацца і ёй не хапае прыкладна 10 тысяч чалавек.
Па стане на канец фінансавага 2024 года чыпмейкер налічваў 29,6 тысячы супрацоўнікаў, а на канец 2025-га — 36 тысяч. 19 лістапада кампанія дала справаздачу за 3 квартал 2026 фінансавага года. А яшчэ Nvidia у лідарах сярод бігтэхаў па выручцы на аднаго супрацоўніка.
Рэлацыраваліся? Цяпер вы можаце каментаваць без верыфікацыі акаўнта.