CEO OpenAI крадзе відэакарты: Sora завалена дыпфейкамі з Альтманам

У сеціве быў апублікаваны ролік у стылі запісу з камеры назірання: «Сэм Альтман» у супермаркеце бярэ з паліцы скрыню з GPU і на просьбу аховы вярнуць тавар адказвае: «Калі ласка, мне гэта вельмі патрэбна для інферэнса Sora». Ролік згенераваны ў аплікацыі Sora 2 і, паводле СМІ, створаны супрацоўнікам OpenAI. Зараз відэа ў ліку самых папулярных на новай платформе.

OpenAI сапраўды нарошчвае GPU-магутнасці: Сэм Альтман казаў пра планку ў 1 мільён паскаральнікаў да канца 2025 года і доўгатэрміновую мэту ў 100 мільёнаў. Партнёрства з NVIDIA прадугледжвае інвестыцыі да $100 мільярдаў у развіццё дата-цэнтраў пад мільёны чыпаў.

Раней кампанія выпусціла абноўлены відэагенератар Sora 2. Рэліз стаў найбуйнейшым абнаўленнем мадэлі пасля дэбюту першай версіі ў лютым 2024-га. Кампанія сцвярджае, што мадэль стала значна больш рэалістычнай і кіраванай. Таксама распрацоўшчык прэзентаваў аднайменную аплікацыю, у якім карыстальнікі могуць генераваць ролікі і дзяліцца імі з сябрамі. У маркетынгавай кампаніі аплікацыі Сэм Альтман асабіста дазволіў выкарыстанне свайго вобразу.

Доступ да аплікацыі абмежаваны інвайтамі, і карыстальнікі пачалі перапрадаваць коды на eBay. Паводле даных журналістаў, на платформе зафіксаваны дзясяткі ўгод, кошт кода складае каля $10-15. Атрымаўшы доступ, новыя карыстальнікі атрымліваюць яшчэ чатыры інвайты, што дазваляе запускаць ланцужок перапродажаў.