Суд у ЗША абавязаў паўднёвакарэйскага выдаўца гульняў Krafton вярнуць на працу кіраўніка студыі Unknown Worlds пасля таго, як кіраўнік кампаніі паспрабаваў сарваць выплату бонуса ў $250 мільёнаў, абапіраючыся на парады чат-бота.
Суд у ЗША абавязаў паўднёвакарэйскага выдаўца гульняў Krafton вярнуць на працу кіраўніка студыі Unknown Worlds пасля таго, як кіраўнік кампаніі паспрабаваў сарваць выплату бонуса ў $250 мільёнаў, абапіраючыся на парады чат-бота.
Як вынікае з судовых дакументаў, генеральны дырэктар Krafton Чхан Хан Кім пры распрацоўцы стратэгіі скасавання кантракта арыентаваўся на рэкамендацыі чат-бота ChatGPT, праігнараваўшы папярэджанні ўласных юрыстаў.
Канфлікт звязаны з поспехам першай часткі відэагульні Subnautica і чаканнямі высокіх продажаў працягу — Subnautica 2. У 2021 годзе Krafton набыла Unknown Worlds за $500 мільёнаў, паабяцаўшы дадаткова выплаціць да $250 мільёнаў у выпадку дасягнення пэўных камерцыйных паказчыкаў. Унутраныя прагнозы выдаўца паказвалі, што гульня з высокай верагоднасцю выканае ўмовы пагаднення, што і стала нагодай для спробаў перагледзець угоду.
Суддзя адзначыў у рашэнні, што «асцерагаючыся, што падпісаў занадта мяккі кантракт», кіраўнік Krafton звярнуўся да ШІ за парадай, каб распрацаваць «карпаратыўную стратэгію захопу» студыі. Пасля кансультацый з ChatGPT унутры кампаніі была створана працоўная група пад назвай Project X, задачай якой стала альбо дасягнуць адмены бонусных выплат, альбо ўсталяваць поўны кантроль над распрацоўшчыкам.
Нягледзячы на папярэджанні юрыстаў аб магчымых судовых рызыках, кіраўніцтва Krafton звольніла сузаснавальнікаў Unknown Worlds і часова ўзяло пад кантроль распрацоўку Subnautica 2. Кампанія таксама апублікавала заяву для фанатаў, падрыхтаваную з выкарыстаннем рэкамендацый чат-бота. Аднак гэта стратэгія прывяла да адваротнага эфекту: распрацоўшчыкі падалі іск, а суд прызнаў звальненні «надуманымі» і парушаючымі ўмовы ўгоды.
У выніку суд пастанавіў аднавіць былога кіраўніка студыі Тэда Гіла на пасадзе і працягнуў тэрмін, на працягу якога каманда можа прэтэндаваць на бонусныя выплаты, да верасня 2026 года. Выдаўцу таксама забаронена ўмешвацца ў планы па выпуску гульні ў раннім доступе.
Рэлацыраваліся? Цяпер вы можаце каментаваць без верыфікацыі акаўнта.