Чат-бот Grok цяпер у Telegram

Для выкарыстання Grok у Telegram неабходная падпіска Telegram Premium. Пры запуску бот прадстаўляецца як «перадавая размоўная мадэль xAI для сур’ёзных і не вельмі дыскусій» і прапануе адправіць паведамленне, каб пачаць размову.

Аднак адказы Grok у Telegram могуць быць не такімі разгорнутымі або не заўсёды дакладнымі ў параўнанні з арыгінальным чат-ботам у X. Некаторыя функцыі, такія як Think або Deepsearch, у Telegram недаступныя, у адрозненні ад X або асобнай аплікацыі Grok.

Паводле слоў Маска, Grok мае доступ да «інфармацыі ў рэальным часе праз платформу X, што з’яўляецца велізарнай перавагай перад іншымі праграмамі», а таксама здольны генераваць тэксты з сарказмам і гумарам. Трэцяя версія Grok была прадстаўлена 17 лютага. У X чат-бот таксама даступны для прэміум-падпісчыкаў.

Раней на канферэнцыі Tesla Ілан Маск узгадваў пра патэнцыйную карысць xAI у развіцці беспілотнага кіравання і стварэнні новага цэнтра апрацоўкі дадзеных, а таксама пра магчымасць інтэграцыі чат-бота з праграмным забеспячэннем Tesla. Bloomberg паведамляў, што xAI вядзе перамовы аб прыцягненні $10 мільярдаў інвестыцый, што можа павысіць кошт стартапа прыкладна да $75 мільярдаў.