Карыстальнікі ChatGPT скардзяцца на раптоўныя блакіроўкі акаўнтаў. Пад удар трапілі нават падпісчыкі Pro за $200 у месяц. Некаторыя не атрымліваюць папярэджанняў, а іх апеляцыі адхіляюць за лічаныя хвіліны.
Карыстальнікі ChatGPT скардзяцца на раптоўныя блакіроўкі акаўнтаў. Пад удар трапілі нават падпісчыкі Pro за $200 у месяц. Некаторыя не атрымліваюць папярэджанняў, а іх апеляцыі адхіляюць за лічаныя хвіліны.
7 лістапада адзін з карыстальнікаў паведаміў на форуме OpenAI, што не змог увайсці ў акаўнт: замест ChatGPT з’явілася памылка account_deactivated. Ніякіх лістоў пра блакіроўку ён не атрымліваў.
Распрацоўшчык удзельнічае ў праграме OpenAI для спецыялістаў у кібербяспецы, а ягоны акаўнт абаронены фізічным ключом бяспекі. Ён мяркуе, што блакіроўку маглі выклікаць падключэнні да ChatGPT і Codex праз VPN-серверы ў розных краінах. Падтрымка OpenAI не назвала прычыну і прапанавала падаць апеляцыю.
8 лістапада на форуме з’явілася яшчэ адна скарга. Ейны аўтар сцвярджае, што за апошні тыдзень пачасціліся блакіроўкі падпісчыкаў Plus, Pro, Business і карыстальнікаў API. Паводле яго, некаторыя апеляцыі адхіляюць за секунды, а людзі губляюць доступ да працоўных матэрыялаў і шматгадовай гісторыі перапісак.
Падобныя выпадкі здараліся і раней. У чэрвені OpenAI аднавіла частку памылкова заблакіраваных акаўнтаў. Некаторыя карыстальнікі пасля аднаўлення выявілі, што іхная платная падпіска больш не актыўная.
Згодна з правіламі OpenAI, прычынай блакіроўкі могуць стаць парушэнні ўмоваў выкарыстання, падазроная актыўнасць або праблемы з пацвярджэннем асобы. Кампанія таксама папярэджвае, што доступ з непадтрымліваемых краін пагражае блакіроўкай.
*Навіна дапаўняецца.
Релоцировались? Теперь вы можете комментировать без верификации аккаунта.