Даследчыкі з Інстытута Макса Планка заявілі, што ChatGPT і іншыя ШІ-сэрвісы пачынаюць уплываць не толькі на анлайн-кантэнт, але і на тое, як мы размаўляем у паўсядзённым жыцці. На іх думку, гэта можа прывесці да паступовага сцірання моўнай і культурнай разнастайнасці.
Даследчыкі з Інстытута Макса Планка заявілі, што ChatGPT і іншыя ШІ-сэрвісы пачынаюць уплываць не толькі на анлайн-кантэнт, але і на тое, як мы размаўляем у паўсядзённым жыцці. На іх думку, гэта можа прывесці да паступовага сцірання моўнай і культурнай разнастайнасці.
Каманда прааналізавала больш за 360 тысяч акадэмічных лекцый на Youtube і звыш 770 тысяч эпізодаў падкастаў. Яны выявілі, што словы, якія моўная мадэль ChatGPT выкарыстоўвае часцей за іншыя (напрыклад, comprehend, boast, swift, meticulous, delve), за апошнія два гады сталі значна часцей сустракацца ў вуснай мове спікераў.
Хоць даследаванне не ацэньвае, добра гэта ці дрэнна, навукоўцы задаюць важнае пытанне: ці пачынаюць вялікія моўныя мадэлі фарміраваць уласную культуру, якая затым пранікае ў чалавечыя зносіны? «Выкарыстанне характэрных для LLM слоў у чалавечых узаемадзеяннях намякае на глыбокія кагнітыўныя працэсы, — адзначаюць аўтары працы. — Пакуль дакладны механізм няясны, але ўплыў ужо заўважны».
Даследчыкі папярэджваюць: масавае ўкараненне «ШІ-лексікі» здольна запусціць замкнёны культурны цыкл, калі асаблівасці мовы цыркулююць паміж людзьмі і машынамі, усё мацней падштурхоўваючы да аднастайнасці і культурнай уніфікацыі. У перспектыве гэта можа паскорыць знікненне ўнікальных моўных і культурных рысаў.
Больш таго, калі ШІ працягне «пераспецыялізавацца» на дадзеных, дзе ўжо дамінуюць яго ўласныя моўныя штампы, рызыка «калапсу мадэляў» — рэзкага падзення якасці і арыгінальнасці ШІ — толькі вырасце, мяркуюць даследчыкі. Нават актыўны ўдзел людзей не гарантуе вяртання страчанай разнастайнасці.
Рэлацыраваліся? Цяпер вы можаце каментаваць без верыфікацыі акаўнта.
Повторяйте за мной: лол, кек.