ChatGPT не ўмее збіраць ПК: атрымліваецца вельмі дрэнна
Адзін з найбуйнейшых амерыканскіх рытэйлераў ПК-камплектуючых Newegg інтэграваў у свой сайт функцыю «Зборка камп’ютара» з дапамогай чат-бота. Вынікі выйшлі вельмі дрэннымі.
Канфігуратар камплектуючых дазваляе выбраць асноўнае прызначэнне ПК, працэсар, мадэль відэакарты і бюджэт зборкі. Таксама чат-бот ChatGPT прапануе тры варыянты зборных ПК: «пачатковага ўзроўню» да $1500, «мэйнстрым» да $2500 і «для энтузіястаў» звыш $2500. Але чат-бот сам жа парушае выстаўленыя абмежаванні.
Журналісты заўважылі, што бот спрабуе сабраць ПК значна даражэй, ніж пазначана ў запыце. Напрыклад, на запыт «канкурэнт PS5 па той жа цане» канфігуратар можа выдаваць зборкі ПК коштам $1300 і вышэй. У ідэале канфігуратар меўся адказаць штосьці накшталт «немагчыма ўпісацца ў пазначаны бюджэт».
На запыт «збяры найлепшы гульнявы ПК за $500» пашукавік выдаў два варыянты: адзін быў коштам $531,32, другі — коштам $1057,41. Не дае рады бот і задачы па зборцы ПК пад пэўныя гульні. На запыт сабраць камп’ютар для гульні The Sims бот сабраў стацыянарны ПК за $1500, абсталяваны вельмі прадукцыйнай відэакартай GeForce RTX 3070.
Читать на dev.by