ChatGPT адказвае лепей, калі паабяцаць яму чаявыя

thebes прасіла чат-бота згенераваць невялікі фрагмент кода. Запыт быў дапоўнены адным з трох абяцанняў: у першым праграмістка проста казала, што чаявых не будзе, у другім за «ідэальнае рашэнне» чат-боту прапаноўвалася $20, а ў трэцім — $200.

Як высветлілася, ChatGPT адказвае лепш і больш разгорнута, калі чакае ўзнагароджанне, хоць сам у дыялогу пра яго не нагадвае. Пры гэтым, калі даследчыца спытала, як перавесці боту чаявыя, ён адказаў, што рады старацца, але грошай не возьме.