Апытанне амерыканскай кампаніі BambooHR паказала тое, пра што многія і так ужо здагадаліся: меры па прымусовым вяртанні ў офіс — часта элегантная спроба пазбавіцца ад супрацоўнікаў без скарачэнняў, а культура працы ў посткавідныя часы дастаўляе людзям мала прыемнага.
Апытанне амерыканскай кампаніі BambooHR паказала тое, пра што многія і так ужо здагадаліся: меры па прымусовым вяртанні ў офіс — часта элегантная спроба пазбавіцца ад супрацоўнікаў без скарачэнняў, а культура працы ў посткавідныя часы дастаўляе людзям мала прыемнага.
BambooHR спецыялізуецца на софце для кіравання персаналам. Кампанія апытала больш за 1500 чалавек, з якіх траціна прыпадае на эйчараў. Выяўляецца, чвэрць рэспандэнтаў на менеджарскіх пасадах і пятая частка эйчараў спадзяваліся, што патрабаванне абавязкова наведваць офіс прымусіць супрацоўнікаў звальняцца са сваёй волі.
Больш за траціну (37%) рэспандэнтаў-менеджараў адказала, што за апошнія 12 месяцаў іх кампаніям давялося праводзіць скарачэнні праз тое, што на знак пратэсту супраць RTO звальнялася менш людзей, чым хацелася б. Прыкладна столькі ж лічаць, што вярнуць людзей у офіс кампаніі хацелі затым, каб больш пільна за імі сачыць.
Усё гэта прывяло да змены офіснай культуры — яна стала больш паказной, прасякнутай недаверам і абвостранай, чым да пандэміі.
У BambooHR адзначаюць, што большасць супрацоўнікаў на аддаленай працы і ў офісе адчуваюць, што ўвесь час мусяць дэманстраваць, што занятыя справай. Больш чым для траціны гэта азначае ўзмоцнена ўзаемадзейнічаць з калегамі і перасоўвацца па офісе. Такое імкненне ствараць бачнасць працы можа наадварот шкодзіць прадукцыйнасці і ў выніку — фінансавым паказчыкам кампаніі, кажуць аўтары даследавання.
42% апытаных работнікаў з’яўляюцца ў офісе толькі для таго, каб быць на вачах у сваіх начальнікаў. І калі начальнікі думаюць, што прысутнасць у офісе сама па сабе канвертуецца ў карысную працу, то гэта не так: паводле апытання, і аддаленыя працаўнікі, і тыя рэспандэнты, што працуюць у офісе, лайдачаць прыкладна па дзве гадзіны на дзень. Розніца толькі ў тым, дзе і як менавіта гэтыя дзесяць гадзін на тыдзень супрацоўнікі будуць прыкідвацца занятымі — у офісе, засяроджана ссунуўшы бровы, або будучы пастаянна «ў сеціве» і на сувязі.
Рэлацыраваліся? Цяпер вы можаце каментаваць без верыфікацыі акаўнта.