Аддзел навін 24 студзеня 2024, 13:37

Chrome атрымаў «разумнае» наладжванне ўкладак і афармленне на аснове АІ

У версіі Chrome 121 для Windows і macOS з’явіліся новыя АІ-інструменты. Яны стануць даступныя карыстальнікам на працягу некалькіх дзён, пачынаючы з ЗША.

Пакінуць каментарый

Chrome атрымаў «разумнае» наладжванне ўкладак і афармленне на аснове АІ

У версіі Chrome 121 для Windows і macOS з’явіліся новыя АІ-інструменты. Яны стануць даступныя карыстальнікам на працягу некалькіх дзён, пачынаючы з ЗША.

Функцыя Tab Organizer дазваляе аўтаматычна групаваць укладкі паводле падобных тэм, спрашчаючы кіраванне мноствам адкрытых старонак. Яе можна актываваць простым клікам правай кнопкі мышы. Такая аўтаматызацыя палягчае навігацыю і дазваляе засяродзіцца на змесціве ўкладак.

Абнаўленне Chrome Theme Store дае выбраць выяву, стыль і каляровую гаму, на аснове якіх АІ стварае ўнікальную тэму для браўзера. Гэтая функцыя заснаваная на той жа тэхналогіі генерацыі тэксту ў выяву, якая выкарыстоўваецца ў Android для стварэння генератыўных шпалер.

Функцыя Help Me Write выйдзе ў наступным месяцы. Яна дапаможа ў складанні тэкстаў у любых тэкставых палях вэб-сайтаў. АІ пры запыце створыць першы чарнавік — яго можна выкарыстоўваць пры напісанні электронных лістоў, водгукаў аб пакупках і адказаў на запрашэнні. Для ўключэння функцый неабходна перайсці ў раздзел «Эксперыментальны АІ» у наладах браўзера.