У Крэмніевай даліне разгарэлася спрэчка вакол адной з ключавых метрык стартапаў — гадавой паўтаральнай выручкі (ARR). Нагодай стала прызнанне кіраўніка стартапа Cluely Роя Лі ў завышэнні паказнікаў кампаніі.
У Крэмніевай даліне разгарэлася спрэчка вакол адной з ключавых метрык стартапаў — гадавой паўтаральнай выручкі (ARR). Нагодай стала прызнанне кіраўніка стартапа Cluely Роя Лі ў завышэнні паказнікаў кампаніі.
Паводле Лі, у размове з журналістам ён назваў ARR на ўзроўні $7 мільёнаў, хоць рэальная лічба складала каля $5,2 мільёна. Пазней кіраўнік Cluely публічна прызнаў, што «мне патэлефанавала нейкая жанчына з пытаннямі пра лічбы, і я нагаварыў ёй лухты».
Гэты выпадак зноў паставіў пад сумнеў надзейнасць ARR — метрыкі, якая шырока выкарыстоўваецца для ацэнкі росту стартапаў. ARR разлічваецца як бягучая месячная выручка, памножаная на 12, аднак у рэальнасці яе трактоўка застаецца гнуткай.
Як адзначае прафесар Стэнфардскага ўніверсітэта Чак Іслі, у індустрыі фактычна няма строгіх стандартаў: «Свет стартапаў заўсёды быў чымсьці накшталт Дзікага Захаду: няма „паліцэйскага“, які гэта кантралюе, таму лічба можа азначаць усё, што трэба фаўндэру».
Праблема асабліва актуальная для ШІ-кампаній. У адрозненне ад класічных SaaS-мадэляў, дзе падпіскі стабільныя, многія ШІ-сервісы выкарыстоўваюць аплату па фактычным спажыванні. Гэта робіць выручку нестабільнай і ўскладняе яе экстрапаляцыю на год наперад. Акрамя таго, частка кліентаў тэстуе прадукты і хутка адмаўляецца ад іх, што фармальна можа ўлічвацца як «паўтаральная» выручка.
Паводле інвестараў, менавіта гэтая гнуткасць дазваляе стартапам «падганяць» паказнікі. Пры гэтым сама метрыка застаецца папулярнай: яе выкарыстоўваюць кампаніі кшталту Anthropic, Glean і Cursor, а паказнікі прадуктаў OpenAI рэгулярна становяцца прадметам абмеркавання ў медыя.
Сам Лі пры гэтым рэзка раскрытыкаваў ARR: «Што наогул, каб яго чорт узяў, такое ARR для кампаніі, якой менш за год? Гэты разлік для нас наогул не мае сэнсу. Гэта фэйкавая бухгалтарская лічба, прыдуманая фэйкавымі бухгалтарамі». Бізнесмен лічыць, што метрыка непрыдатная для маладых кампаній, дзе паказнікі могуць змяняцца на дзясяткі працэнтаў кожны тыдзень.
Релоцировались? Теперь вы можете комментировать без верификации аккаунта.