Copilot атрымаў асобную праграму ў Windows

Раней значок Copilot размяшчаўся ў правым ніжнім куце экрана з прымацаваным надпісам «Pre». Цяпер распрацоўшчыкі адмовіліся ад абазначэння «прэв’ю» і размясцілі значок у цэнтры панэлі задач.

Прадстаўнік кампаніі растлумачыў, што Copilot ператварылі ў асобную праграму дзеля плаўнейшай інтэграцыі ў працоўныя працэсы і выгоды карыстальнікаў.

«Дзякуючы гэтай змене, карыстальнікі Copilot атрымаюць перавагі традыцыйных праграм, такіх як змяненне памеру, прывязка і перасоўванне акна», — сказана ў блогу.

Пакуль незразумела, ці будуць даступныя змены ўсім карыстальнікам, ці толькі камерцыйным кліентам. Copilot захавае падтрымку ўкладак «Інтэрнэт» і «Праца» для кліентаў Copilot for Microsoft 365.