Кітай пачаў антыманапольнае расследаванне супраць Nvidia ў адплату ЗША

Кітайскі антыманапольны орган SAMR зацікавіўся дзеяннямі амерыканскага чыпмэйкера ў сувязі з абставінамі куплі ім ізраільскага вытворцы сеткавага абсталявання Mellanox Technologies за $7 млрд. Чатыры гады таму Пекін даў угодзе «зялёнае святло» пры ўмове, што Nvidia не будзе абмяжоўваць доступ кітайскіх кампаній да сваіх тэхналогій. Mellanox абавязалі падаваць канкурэнтам інфармацыю пра новыя прадукты не пазней чым праз 90 дзён пасля таго, як яна стане даступная лідару рынку АІ-працэсараў.

У Nvidia заявілі, што гатовыя «з радасцю адказаць на любыя пытанні рэгулятараў пра свой бізнэс», а таксама што заўсёды прытрымліваюцца сваіх забавязанняў. З чаго менавіта складаецца меркаванае парушэнне, у заяве SAMR не ўдакладняецца.

Расследаванне запушчанае на фоне эскалацыі вайны ЗША і Кітая ў тэхналагічнай галіне. Пасля чарговага пастражэння санкцый ЗША супраць Кітая, закліканых затармазіць распрацоўку там перадавых чыпаў, азіяцкая краіна абмежавала экспарт металаў, крытычна важных для вытворчасці гэтых кампанентаў.

На кітайскіх кліентаў прыпадае каля 15% усёй выручкі Nvidia. Ад пачатку года да канца мінулага тыдня яе Каціроўкі ўзляцелі амаль у 3 разы на 188%. На таргах у панядзелак акцыі Nvidia патаннелі на 3,7%.