У М’янме 17-гадовая дзяўчына прадала ў рабства свайго 19-гадовага хлопца. «Угода» склала прыблізна $14 тысяч, на гэтыя грошы бізнесвумен адпачывала ў Тайландзе, піша Chinadaily.
У М’янме 17-гадовая дзяўчына прадала ў рабства свайго 19-гадовага хлопца. «Угода» склала прыблізна $14 тысяч, на гэтыя грошы бізнесвумен адпачывала ў Тайландзе, піша Chinadaily.
Дзяўчына па прозвішчы Чжоў і малады чалавек па прозвішчы Хуанг пазнаёміліся ў 2024 годзе ў більярднай у Кітаі. Яны пасябравалі і з’ехаліся. Неўзабаве пасля пачатку адносін Чжоў пачала зваць хлопца з сабой у М’янму. Маўляў, у яе сям'і — інвестыцыйных менеджараў — там бізнес, і яны павінны разам паехаць туды працаваць.
У лютым гэтага года парачка выправілася ў Бангкок, сваіх родных пра ад’езд Хуанг не папярэдзіў. На мяжы паміж Тайландам і М’янмай Чжоў сказала, што ёй трэба адлучыцца. Тым часам на хлопца напалі ўзброеныя людзі, забралі пашпарт і тэлефон і павезлі яго ў лагер для рабоў у М’янме.
Хлопцу пагалілі галаву і трымалі ў цеснай цёмнай каморцы. Яго прымушалі займацца кіберзлачыннай дзейнасцю — працаваць прыходзілася кожны дзень па 16-20 гадзін. Калі ён не выконваў план, яго моцна збівалі. У выніку ён страціў слых, у яго пачаліся кашмары і параноя.
Паланёны вярнуўся дадому пры садзейнічанні кітайскіх уладаў у чэрвені. Для гэтага яго сям’я сабрала каля $50 тысяч выкупу.
Чжоў была затрымана пры вяртанні ў Кітай з Тайланда. Яе справа рыхтуецца да разгляду.
Рэлацыраваліся? Цяпер вы можаце каментаваць без верыфікацыі акаўнта.