У горадзе Цыньхуангдаа на поўначы Кітая адкрылася «клініка нелюбові да працы», якая дапамагае людзям, што маюць адчуванне хранічнай стомы, эмацыйнага выгарання і бессэнсоўнасці сваёй працы.
У горадзе Цыньхуангдаа на поўначы Кітая адкрылася «клініка нелюбові да працы», якая дапамагае людзям, што маюць адчуванне хранічнай стомы, эмацыйнага выгарання і бессэнсоўнасці сваёй працы.
Ініцыятыва стала працягам паспяховага досведу «клінікі нелюбові да школы», куды звярталіся дзеці і іх бацькі з праблемамі стрэсу і трывогі, выкліканымі навучаннем. Паводле слоў загадчыка клінікі Юэ Ліміна, ідэю новай паслугі падказалі менавіта дарослыя: бацькі, якія прыводзілі дзяцей, цікавіліся, ці няма падобнай падтрымкі для тых, хто пакутуе ад працы.
У «клініцы нелюбові да працы» пацыенты праходзяць медыцынскае абследаванне для выключэння фізіялагічных прычын недамагання, а таксама псіхалагічныя кансультацыі, дзе спецыялісты ацэньваюць эмацыйны стан і распрацоўваюць індывідуальны план падтрымкі. Асноўная мэта — дапамагчы справіцца з дэпрэсіяй, трывожнасцю і іншымі псіхаэмацыйнымі расстройствамі, звязанымі з працай.
Кіраўніцтва клінікі адзначае, што прамата назвы і нязвыклы фармат закліканы знізіць бар’еры для звароту па дапамогу, бо многія кітайцы дагэтуль адчуваюць стыгму ў дачыненні да псіхічных расстройстваў і баяцца ісці да псіхатэрапеўта. Нягледзячы на шырокі рэзананс у сацсетках, пацыентаў у клініцы пакуль нямнога — хоць анлайн ужо жартуюць, што «ўрачы там не працуюць, бо ім таксама не хочацца хадзіць на працу».
Релоцировались? Теперь вы можете комментировать без верификации аккаунта.