«Дыназаўры наносяць удар у адказ»: у TIOBE растуць старыя мовы праграмавання
У сакавіку ў рэйтынг 20 самых папулярных моў праграмавання TIOBE увайшла Ada — рэдкая і складаная мова, якая з’явілася яшчэ ў самым пачатку 1980-х гг. За месца ў топ-10 змагаюцца Fortran і Delphi, а ўнізе дваццаткі размясціўся COBOL. Усе яны павялічылі сваю долю на рынку ў параўнанні з гэтым лютым і з сакавіком мінулага года.
Аўтары TIOBE звязваюць тэндэнцыю да росту далёка не маладых моў з тым, што ў свеце па-ранейшаму выкарыстоўваецца шмат «старажытных», але важных сістэм, якія ў асноўным напісаныя на такіх жа старажытных мовах. Распрацоўшчыкі, што суправаджаюць гэтыя сістэмы, вось-вось сыдуць на пенсію, а кампаніі, каб не рызыкаваць, аддаюць перавагу не замяняць іх новымі на больш актуальных мовах, а працягваць падтрымку і нават маштабаваць. Да таго ж самі гэтыя «дыназаўры»-мовы рэгулярна абнаўляюцца. І ў любым выпадку яны маюць сваё прызначэнне і заслугоўваюць прызнання, падкрэсліваюць у TIOBE.
Читать на dev.by