YouTube тэсціруе галасавыя каментары пад відэа

Як піша vc.ru, галасавы каментар пакінуў падпісчыку тэхнаблогер Theojoe. Паскорыць, запаволіць або зацыкліць аўдыязапіс нельга, але ёсць расшыфроўка.

На сайце YouTube ані ў мабільным, ані ў дэсктопным браўзеры аўдыя пакуль не падтрымліваецца, адзначае выданне. На яго месцы паказваецца толькі расшыфроўка адказу. У праграме каментар прайграецца.

Колькім блогерам далі доступ да функцыі, невядома. Як і тое, ці змогуць падпісчыкі пакідаць войсы або такая магчымасць будзе толькі ў аўтараў.