Алеся Чапкевич world 3 чэрвеня 2026, 13:21

Новы сайт паказвае, колькі тэхгіганты (не)зарабілі на ШІ

Энтузіяст запусціў трэкер, які паказвае, колькі буйнейшыя гульцы ШІ-рынку ўкладваюць у тэхналогію і які атрымліваюць выхлап ад гэтых інвестыцый. Цяпер большасць фіксуе страты.

Пакінуць каментарый

Энтузіяст запусціў трэкер, які паказвае, колькі буйнейшыя гульцы ШІ-рынку ўкладваюць у тэхналогію і які атрымліваюць выхлап ад гэтых інвестыцый. Цяпер большасць фіксуе страты.

Спіс кампаній, якія адсочваюць, пакуль невялікі — іх 12, у тым Google, Microsoft, OpenAI, Anthropic, Mistral ды іншыя.

Больш за ўсіх пакуль страціла Amazon — $291 млрд з укладзеных $313 млрд. Менш за ўсіх страты ў DeepSeek — $0,2 млрд. У плюсе — у тоўстым плюсе — пакуль толькі Nvidia: яна дзякуючы попыту на свае чыпы зарабіла $253 млрд. Гэта адзіная інфраструктурная кампанія ў спісе.

Для зручнасці кампаніі на сайце можна адсартаваць па чыстым стратам і па суадносінах інвестыцый да прыбытку. Па другім паказчыку больш за ўсіх прайграе Meta, якая зарабіла на ШІ $3 млрд, укладаўшы $230 млрд.

У суме разгледжаныя кампаніі інвеставалі ў развіццё ШІ больш за $1,4 трлн, а выручка ад гэтых распрацовак пакуль складае $613 млрд.

У якасці крыніц аўтар выкарыстоўваў дакументацыю, якую кампаніі падаюць у Камісію па каштоўных паперах і біржах, дадзеныя даследчых арганізацый і публікацыі ў медыя.